Cahangir Hacıyev

Cahangir Hacıyev — beynəlxalq iqtisadiyyat üzrə elmlər doktoru, Azərbaycan Beynəlxalq Bankının İdarə Heyətinin sabiq sədri.

Cahangir Hacıyev
Hacıyev Cahangir Fevzi oğlu
Cahangir Hacıyev, 2009-cu il
Azərbaycan Beynəlxalq Bankının İdarə Heyətinin sədri 27 mart 2001 — 2 aprel 2015
Sələfi	Fuad Namiq oğlu Axundov
Şəxsi məlumatlar
Doğum tarixi	26 oktyabr 1961 (1961-10-26)
Doğum yeri	Bakı, Azərbaycan SSR, SSRİ
Həyat yoldaşı	Zamirə Hacıyeva
Təhsili	S.M.Kirov adına Azərbaycan Dövlət Universi (1981–1986)
Elmi dərəcəsi	beynəlxalq iqtisadiyyat üzrə elmlər doktoru

Haqqında məlumatlar

26 oktyabr 1961-ci il tarixdə Bakıda anadan olub.

Təhsili və elmi fəaliyyəti

1986-cı ildə S.M.Kirov adına Azərbaycan Dövlət Universitetini bitirib.

1993-cü ildə Austində Texas Universitetində MBA (Master Administration in Business Administration) magistr dərəcəsinə,

Rusiya Elmlər Akademiyasının nəzdində İqtisadiyyat İnstitutunda isə beynəlxalq iqtisadiyyat üzrə elmlər doktoru elmi dərəcəsinə yiyələnib.

Əmək fəaliyyəti

1993 – 1995-ci illər arasında Azərbaycanın Xarici İqtisadi Əlaqələr Nazirliyində işləyib.

1995-ci ildən Azərbaycan Beynəlxalq Bankında işləməyə başlayıb,

2001 – 2015-ci illərdə Azərbaycan Beynəlxalq Bankının İdarə Heyətinin sədri olub.

18 mart 2015-ci il tarixdə Azərbaycan Beynəlxalq Bankının Müşahidə Şurası onun istefasının qəbul olunması və vəzifəsindən azad edilməsi barədə qərar qəbul edib.

Məhkumluğu

Bakı Ağır Cinayətlər Məhkəməsinin 14 oktyabr 2016-cı il tarixli hökmü ilə 15 il müddətinə azadlıqdan məhrum edilib.