İkram İsrafil

İkram İsrafil — ictimai-siyasi fəal; 2006-cı ildə 41 saylı Sumqayıt Birinci Seçki Dairəsindən üçüncü çağırış Azərbaycan Respublikası Milli Məclisinin deputatı seçilib.

İkram İsrafil
İsrafilov İkram İsrail oğlu
İkram İsrafil
İkram İsrafil, 2010-cu il.
Anadan olub	16 yanvar 1964 (1964-01-16)
Anadan olduğu yer	Bideyiz, Nuxa rayonu, Azərbaycan SSR, SSRİ
Vətəndaşlıq	SSRİ→ Azərbaycan
İxtisası	mexanik
Təhsili	Çingiz İldırım adına Azərbaycan Politexnik İnstitutu, mexanika fakültəsi
Partiya	Müsavat Partiyası
facebook hesabı

Haqqında məlumatlar

16 yanvar 1964-cü il tarixdə Nuxa (indiki Şəki) rayonununun Bideyiz kəndində anadan olub.

Təhsili

Çingiz İldırım adına Azərbaycan Politexnik İnstitutunun mexanika fakültəsini bitirib.

Əmək fəaliyyəti

1984-cü ildən M.Əzizbəyov adına Kimya Sənaye İstehsalat Birliyində növbə ustası,

1991 – 1993-cü illərdə əvvəl Sumqayıt aşqarlar zavodunun “Azadlıq” kiçik müəssisəsində sex rəisi, sonra isə “Xəzər” Səhmdar Cəmiyyətində şöbə rəisinin müavini,

1993-cü ildən sonra “Qalayçı” firmasının direktoru,

1996 – 2002-ci illərdə isə Sumqayıt şəhərində orta məktəb direktorunun müavini vəzifəsində çalışıb.

Milli Məclisdə

2006 – 2011-ci illərdə üçüncü çağırış Azərbaycan Respublikası Milli Məclisinin deputatı olub (41 saylı Sumqayıt Birinci Seçki Dairəsindən). Milli Məclisdə Təbii ehtiyatlar, energetika və ekologiya komitəsinin, Azərbaycan – Amerika Birləşmiş Ştatları, Azərbaycan – Böyük Britaniya, Azərbaycan – Braziliya, Azərbaycan – Norveç, Azərbaycan – Türkiyə parlamentlərarası əlaqələr üzrə işçi qruplarının üzvü olub.

İctimai-siyasi aktivliyi

1980-cı illərdə M.Əzizbəyov adına Kimya Sənaye İstehsalat Birliyində gənclər birliyinin sədri olub.

2020-ci ildə isə altıncı çağırış Azərbaycan Respublikası Milli Məclisinin deputatlığına namizəd olmuş, lakin seçilməmişdir.

Müsavat Partiyasının üzvü olmaqla yanaşı, həm də bu partiyanın divanının və məclisinin üzvüdür.

Ədəbiyyat

1. Arzuqızı P., İbrahimova U. «Müraciətimdən sonra İcra Hakimiyyətinin işçisi vəzifədən çıxarıldı» : [arx. 16.01.2021] // Modern.az. — 2013. — 27 noyabr. — Müraciət tarixi: 15.01.2023.