Süleyman Süleymanlı

Süleyman Süleymanlı — yeniyetmə Azərbaycan şahmatçısı, FİDE Ustası (FM).

Süleyman Süleymanlı
Süleymanlı Süleyman Taleh oğlu
Süleyman Süleymanlı.
Ölkə	Azərbaycan
Doğum tarixi	20 oktyabr 2006 (2006-10-20)
Doğum yeri	Şəki, Azərbaycan
Yaşadığı yer	Şəki
Titulu	FİDE Ustası (FM)
FİDE reytinqi	2400-dən az (aprel 2022)
Atası	Taleh Süleymanov
Anası	Gülnarə Süleymanova
Medallar Qızıl Məktəblilərin şahmat üzrə Avropa çempionatı 2015 Gümüş Məktəblilərin şahmat üzrə Dünya çempionatı 2019
facebook səhifəsi

Haqqında məlumatlar

20 oktyabr 2006-cı il tarixdə Şəkidə anadan olub.

Təhsili

2012-ci ildən Şəki şəhər 5 №-tam orta məktəbdə təhsil almağa başlayıb.

Şahmat fəaliyyəti

5–yaşından Şəki Şəhər Uşaq-Gənclər İdman-Şahmat Məktəbində müəllim işləyən anasından şahmat öyrənməyə başlayıb.

6 yaşında Şəki Şəhər Uşaq-Gənclər İdman-Şahmat Məktəbinə yazılıb.

2015-ci ildə məktəblilərin şahmat üzrə Avropa çempionatında qızıl medal (U09 yaş kateqoriyası, oğlanlar arasında) qazanıb və 9 yaşında Ustalığa Namizəd (CM) olub.

17 – 27 aprel 2019-cu il tarixləri arasında Antalyada (Türkiyə) keçirilən 7 – 17 yaşadək məktəblilər arasında şahmat üzrə Dünya çempionatında gümüş medal (U13 yaş kateqoriyası, oğlanlar arasında) qazanıb.

10 – 16 aprel 2022-ci il tarixləri arasında Naxçıvanda keçirilmiş beynəlxalq “Second Sunday” (İM tournament – beynəlxalq usta normativi) şahmat turnirində 1-ci yeri tutub və 15 yaşında FİDE Ustası (FM) olub.

15 – 24 iyun 2022-ci il tarixləri arasında Bakıda keçirilmiş şahmat üzrə 8-10-12-14-16-18 yaşlı oğlanlar və qızlar arasında Azərbaycan birinciliyində 2-ci yeri (U16 yaş kateqoriyası, oğlanlar arasında) tutub və Avropa çempionatına vəsiqə qazanıb.

2 – 10 oktyabr 2022-ci il tarixləri arasında Naxçıvanda keçirilmiş 16 yaşadək yeniyetmələr arasında Ümumdünya Şahmat Olimpiadasında “Azərbaycan-1” komandasının heyətində 3-cü yeri tutub.

15 – 21 dekabr 2022-ci il tarixləri arasında “Təhsil” RİM-in keçirdiyi 16 yaşlı məktəblilərin şahmat üzrə respublika birinciliyində 1-ci yeri tutub.

Ədəbiyyat

1. Suleymanli, Suleyman : [arx. 8 Nov 2020 - 31 May 2022] : [ing.] // International Chess Federation. — Müraciət tarixi: 27.06.2022.
2. European Schools Champions for 2015 Announced : [arx. 27.06.2022] : [ing.] // European Chess Union. — 2015. — 3 July. — Müraciət tarixi: 27.06.2022.
3. Süleymanlı Süleyman məktəblilərin dünya 2-cisi oldu : [arx. 14 Oct 2019 - 14 Apr 2021] // “Təhsil” Respublika İdman Mərkəzi. — 2019. — 28 aprel. — Müraciət tarixi: 27.06.2022.
4. Second Sunday (IM tournament) - 10-16 April 2022 Nakhchivan : [arx. 27.06.2022] : [rus.] // Chess-Tournament-Results. — 2022. — 16 апреля. — Müraciət tarixi: 27.06.2022.
5. Yeniyetmə şahmatçılar arasında Azərbaycan birinciliyinin qalibləri müəyyənləşib : [arx. 27.06.2022] // AZƏRTAC. — 2022. — 24 iyun. — Müraciət tarixi: 27.06.2022.
6. "Təhsil" RİM-in şahmat üzrə respublika birinciliyi, O16 : [arx. 22.12.2022] : [ing.] // Chess-Tournament-Results-Server. — Müraciət tarixi: 22.12.2022.
7. World School Chess Championships 2023 - O17 : [arx. 22.04.2023] : [ing.] // Chess-Tournament-Results. — 2023. — 22 April. — Müraciət tarixi: 22.04.2023.