Novruz Cəfərov

Novruz Cəfərov — tanınmış teatr xadimi, Azərbaycan Respublikasının əməkdar artisti, Cəfər Cabbarlı adına Gəncə Dövlət Dram Teatrının rejissoru və aktyoru.

Novruz Cəfərov
Cəfərov Novruz Adil oğlu
Novruz Cəfərov.
Doğum tarixi	13 mart 1953 (1953-03-13)
Doğum yeri	Könüllü kəndi, Şamxor (indiki Şəmkir) rayonu, Azərbaycan SSR, SSRİ
Vətəndaşlığı	SSRİ→ Azərbaycan
Peşəsi	aktyor
Təhsili	Mirzağa Əliyev adına Azərbaycan Dövlət İncəsənət İnstitutu, dram və kino aktyorluğu fakültəsi (1971–1975)
Fəaliyyət illəri	1975-ci ildən
Teatr	• Sabit Rəhman adına Şəki Dövlət Dram Teatrı (1975–1997)  • Cəfər Cabbarlı adına Gəncə Dövlət Dram Teatrı (1997–2017)  • Ağdam Dövlət Dram Teatrı (2017–2021)  • Cəfər Cabbarlı adına Gəncə Dövlət Dram Teatrı (2021–)
Mükafatları
facebook səhifəsi

Ümumiyyətlə, 150-dən çox tamaşada irili-xırdalı, müxtəlif səpgili, komik, dramatik və faciəvi janrlarda rol getmiş, quruluşçu rejissor kimi neçə-neçə tamaşalar hazırlamış, o cümlədən, bir neçə filmdə özü rol oynamış və özü bir neçə komediya yazmışdır. Ağdam Dövlət Dram Teatrının sabiq baş rejissorudur. Həmçinin daha əvvəl uzun müddət Sabit Rəhman adına Şəki Dövlət Dram Teatrında çalışmışdır.

Haqqında məlumatlar

13 mart 1953-cü il tarixdə Şamxor (indiki Şəmkir) rayonunun Könüllü kəndində anadan olub.

Təhsili

1971 – 1975-ci illərdə Mirzağa Əliyev adına Azərbaycan Dövlət İncəsənət İnstitutunun dram və kino aktyorluğu fakültəsində təhsil alıb.

Əmək fəaliyyəti

1975 – 1997-ci illərdə Sabit Rəhman adına Şəki Dövlət Dram Teatrında,

1997 – 2017-ci illərdə Cəfər Cabbarlı adına Gəncə Dövlət Dram Teatrınında işləyib.

2017 – 2021-ci illərdə Ağdam Dövlət Dram Teatrının baş rejissoru olub.

2021-ci ildən yenidən Cəfər Cabbarlı adına Gəncə Dövlət Dram Teatrınında işləyir.

Təltif və mükafatları

• “Azərbaycan Respublikasının əməkdar artisti” fəxri adı (2013);
• Azərbaycan Respublikası Prezidentinin Mükafatı (2018, 2019, 2020).

Ailəsi

Ailəlidir. İki övladı və beş nəvəsi var.

Ədəbiyyat

1. Rəhimli İ. Novruz Cəfərov // Şəki teatrı. — Bakı: Qanun, 2016. — Səhifələrin sayı:  383. — Səh.: 269-273. — 500 nüsx. — ISBN 978-9952-36-230-5.
2. Bölgə teatrlarında kadr dəyişikliyi aparılıb : [arx. 16.09.2021] // Azərbaycan Respublikası Mədəniyyət Nazirliyinin rəsmi saytı.. — 2017. — 2 oktyabr. — Müraciət tarixi: 16.09.2021.
3. Qocayeva S. Gəncə Dövlət Dram Teatrının aktyoru, əməkdar artist Novruz Cəfərov mükafatlandırılıb : [arx. 15 May 2019 - 16 Feb 2020] // GəncəNews. — 2019. — 11 may. — Müraciət tarixi: 16.09.2021.

Filmoqrafiya

• O dünyadan salam (film, 1991);
• Yük (film, 1995);
• Leyli və Məcnun (film, 1996);
• Koroğlu (film, 2003);
• Cavad xan (film, 2009);
• Çölçü (film, 2012);
• Xəlvətdə qalmış müdrik (film, 2014) — rol: Yəhya Bakuvi;
• Son nəfəsədək (film, 2018);
• Qarabağnamə (film) — rol: vəzir Molla Həsən.