Aydın Süleymanlı

Aydın Süleymanlı — şahmat üzrə qrossmeyster, bir sıra beynəlxalq turnirlərin qalibi, yaxud mükafatçısı, 14 yaşlı oğlanlar arasında 2019-cu ilin Dünya çempionu, kişi şahmatçılar arasında 2024-cü ilin Azərbaycan çempionu.

Aydın Süleymanlı
Aydın Elşən oğlu Süleymanlı
Aydın Süleymanlı.
Ölkə	Azərbaycan
Doğum tarixi	22 mart 2005 (2005-03-22)
Doğum yeri	Bakı, Azərbaycan
Titulu	qrossmeyster (2021)
FİDE reytinqi	2525 (aprel 2022)
facebook səhifəsi
Commonsda da Aydın Süleymanlı ilə əlaqəli mediafayllar var

Haqqında məlumatlar

22 mart 2005-ci il tarixdə Bakıda anadan olub.

Şahmat fəaliyyəti

5 yaşından şahmata maraq göstərib. İlk vaxtlar evlərinin yaxınlığındakı Xətai Rayon Mədəniyyət Mərkəzində şahmat məşğələlərinə qatılıb. Sonra valideynlərinin istəyinə uyğun olaraq Respublika İxtisaslaşdırılmış Olimpiya Ehtiyatları Uşaq-Gənclər Şahmat Məktəbində gedib.

6 yaşından başlayaraq uşaq və yeniyetmələr arasında şahmat üzrə dünya və Avropa çempionatlarında müxtəlif yaş kateqoriyaları üzrə Azərbaycanı təmsil edib.

2013-cü ildə Monteneqronun Budva şəhərində keçirilmiş qitə birinciliyində 8 yaşlı şahmatçılar arasında birinci olub və FİDE Ustası (FU) adını alıb. Həmin ilin dekabrında Birləşmiş Ərəb Əmirliklərinin Əl-Əyn şəhərində keçirilmiş şahmat üzrə dünya çempionatında eyni yaş kateqoriyasında üçüncü yeri tutub.

2014-cü ilin noyabrında şahmatın blits və rapid növü üzrə keçirilmiş Avropa çempionatında bütün rəqiblərini üstələyərək həm blits, həm də rapiddə 10 yaşlı oğlanlar arasında birinci olub.

2017-ci ildə Rumıniyanın Mamaya şəhərində təşkil olunmuş Avropa Çempionatında 9 oyundan 7 xal yarım yığmaqla 12 yaşlı oğlanlar arasında Avropa çempionu adını qazanıb.

2019-cu ildə Hindistanın Mumbay şəhərində keçirilmiş dünya çempionatında 11 oyundan 9 xal yığmaqla 14 yaşlı oğlanlar arasında dünya çempionu olub.

2020-ci ilin fevral ayında Moskvada keçirilən “Aeroflot open 2020” beynəlxalq şahmat festivalının A turnirində 9 turdan 6,5 xal toplayaraq qalib olub.

2023-cü ilin 2 may tarixində, şahmat üzrə FİDE reytinqi 2300-dən yüksək olan şahmatçılar arasında hər çərşənbə axşamı təşkil edilən “Titled Tuesday” adlı turnirdə ikinci qrupda mübarizə aparıb və 9,5 xalla 2-ci yeri tutub.

2024-cü ilin aprel ayında kişi şahmatçılar arasında keçirilən Azərbaycan çempionatında birinci yeri tutub.

Ailəsi

• atası: Elşən Aydın oğlu Süleymanlı – ali təhsilli iqtisadçı və “Veysəloğlu” firmasının meneceri;
• anası: Jalə Əliabbas qızı Süleymanlı – stomatoloq;
• ata babası: Aydın Süleymanov (1949 – 2014) fizika-riyaziyyat elmləri namizədi və AMEA Fizika İnstitutunda baş aparıcı elmi işçisi;
• ana babası: Əliabbas – Texniki Universitetin müəllimi.

Aidiyyəti linklər

1. Rəşad Ziyadov (2017). "Sürətli şahmat üzrə 10 yaşlılar arasında Avropa çempionu". Anl.az. 19 oktyabr 2018 tarixində arxivləşdirilib.
2. Yeniyetmələrimiz blits və rapid üzrə Avropa çempionatında 7 medal qazandılar // Dsport.az
3. Yeniyetmə şahmatçımız Aydın Süleymanlı dünya çempionu adını qazanıb // Azertag.az

Ədəbiyyat

1. Rəşad Ziyadov (2017). "Sürətli şahmat üzrə 10 yaşlılar arasında Avropa çempionu". Anl.az. 19 oktyabr 2018 tarixində arxivləşdirilib.
2. Chess-results.com (2013). "23rd EUROPEAN YOUTH CHESS CHAMPIONSHIP 2013 - OPEN U8". chess-results.com. Chess-results.com.
3. Chess-results.com (2014). "14th INDIVIDUAL EUROPEAN CHAMPIONSHIP - BLITZ, U10-BOYS". chess-results.com. Chess-results.com.
4. Chess-results.com-2 (2014). "14th EUROPEAN CHAMPIONSHIP – RAPID, U10-BOYS". chess-results.com. Chess-results.com.
5. Chess-results.com (2017). "European Youth Chess Championship 2017". chess-results.com. Chess-results.com.
6. Chess-results.com (2019). "World Youth Chess Championship 2019- Open U14". chess-results.com. Chess-results.com.
7. ratings.fide.com (2019). "2nd quarter PB 2019, 27-30 June, Baku, Azerbaijan". ratings.fide.com. ratings.fide.com.
8. Chess.com (2023). "News". 3 May 2023 - 4 May 2023 tarixində arxivləşdirilib.