Adil Vəliyev

Adil Vəliyev — tanınmış müğənni və məşhur “İrs” folklor ansamblının sabiq üzvü.

Adil Vəliyev
Vəliyev Adil Qulam oğlu
Şəxsi məlumatlar
Doğum tarixi	5 dekabr 1952 (1952-12-05)
Doğum yeri	Yevlax, Azərbaycan SSR, SSRİ
Vətəndaşlığı	SSRİ → Azərbaycan
Həyat yoldaşı	Mirvari
Atası	Qulam Lələkişi oğlu Vəliyev (1900-1960)
Anası	Zərifə Əhməd qızı Əsədova-Vəliyeva (1920-1978)
Ləqəbi	Exo Adil
Musiqi aləti	qarmon
Təhsili	• C.Cabbarlı adına “Azərbaycanfilm” kinostudiyası, aktyorluq kursu (1969–1971)  • Dadaş Bünyadzadə adına Azərbaycan Xalq Təsərrüfatı İnstitutu, qiyabi (1979–1984)
Adının digər versiyaları	Adil Veliyev, Адил Велиев, Адил Валиев, Адил Вәлиев
facebook səhifəsi

Haqqında məlumatlar

5 dekabr 1952-ci ildə Yevlaxda anadan olub. Atası Qulam Vəliyev Ağdamda doğulsa da əslən şuşalı idi və həmin vaxt Yevlax yun zavodunun direktoru vəzifəsində çalışırdı. Anası Zərifə Əhməd qızı Əsədova-Vəliyeva isə şəkili idi.

1960-cı ildə – 10 yaşı olarkən, atası vəfat edib. 1968-ci ildə ailəvi Bakıya köçüblər.

Təhsili

1958 – 1963-cü illərdə Yevlax dəmiryolu idarəsinin məktəbində,

1953 – 1958-ci illərdə isə Yevlax şəhər 5 №-li orta məktəbində,

1969 – 1971-ci illərdə C.Cabbarlı adına “Azərbaycanfilm” kinostudiyasının aktyorluq kursunda,

1979 – 1984-cü illərdə isə Dadaş Bünyadzadə adına Azərbaycan Xalq Təsərrüfatı İnstitutunda təhsil alıb.

Hərbi xidmətdə

1971 – 1973-cü illərdə həqiqi hərbi xidmətdə olub.

Musiqi və əmək fəaliyyəti

5 yaşında nağara, 12 yaşında diatonik (yarımtonsuz) qarmon çalmağa başlayıb.

Ailəvi Bakıya köçdükdən sonra qarmonçalan kimi toylara dəvət olunub. Gələcəyin məşhur müğənnisi Məmmədbağır Bağırzadə ilə birlikdə toylara gedib.

1969-cu ildə məşhur kamança ustası Habil Əliyev və tanınmış xanəndələr Sabir Mirzəyev, Səmayə Hüseynova, Sabir Əliyevlə birlikdə Sabirabad və Saatlı rayonlarında konsertlər veriblər.

1971-ci ildə 7 ay Azərbaycan Dövlət Akademik Dram teatrına işləyib.

1973-cü ildən xanəndəlik etmək yolunu seçib. Bundan sonra “İrs” folklor ansamblına dəvət olunub.

Ədəbiyyat

1. Rəmanlı Ə. Sənəti, xasiyyəti, rəftarı gözəl, zəngin repertua malik hərtərəfli müğənni // Adil Veliyev (facebook səhifəsi). — Müraciət tarixi: 05.09.2024.