Telman Muxtarlı

Telman Muxtarlı
Muxtarlı (Muxtarov) Telman Ziya oğlu
Telman Muxtarlıya fəxri fərman təqdim edilərkən, 2009-cu il
Şəxsi məlumatlar
Doğum tarixi	27 fevral 1951(1951-02-27)
Doğum yeri	Nuxa, Nuxa rayonu, Azərbaycan SSR, SSRİ
Vəfat tarixi	26 aprel 2010 (59 yaşında)
Vəfat yeri	Şəki, Azərbaycan
Həyat yoldaşı	Elmira Ramiz qızı Xəlifəzadə

Telman Muxtarlı (Muxtarov) – musiqiçi, aranjemançı, Şəkinin “Zirvə” vokal-instrumental ansamblının rəhbəri (1971 – 2010).

Haqqında məlumatlar

27 fevral 1951-ci il tarixdə Nuxada anadan olub.

Telman Muxtarov, 1975-ci il.

Şəki Musiqi Texnikumunu tar ixtisası bitirib. Daha sonra Azərbaycan Memarlıq və İnşaat universitetinin memarlıq fakültəsində təhsil alıb.

1971 – 2010-cu illərdə Şəkinin “Zirvə” vokal-instrumental ansamblının rəhbəri olub. Onun rəhbərliyinin ilk dövrlərində ansambl tez-tez Şəkidə və ətraf rayonlarda konsert proqramları ilə çıxış etmişdir; ansambl 1978-ci ildə Moskva şəhərində Xalq Təsərrüfatı Nailiyyətləri Sərgisində keçirilən Ümumittifaq Festivalında qızıl medala layiq görülmüş, 1979-cu ildə Azərbaycan Televiziyasının “Gənclik estradası” yarışmasının qaliblərindən biri olmuşdur. Sonrakı illərdə Rusiyanın Taqanroq şəhərində və Tümen vilayətində, həmçinin, Türkiyədə keçirilən festivallarda və digər tədbirlərdə də konsert proqramları ilə çıxışları olub.

Telman Muxtarlı 26 aprel 2010-cu il tarixdə vəfat etmişdir. Şablon:Yaxşı məqalə