Rövşən Həsənov

Rövşən Həsəov
Həsənov Rövşən Əli oğlu
Rövşən Həsəov
Şəxsi məlumatlar
Doğum tarixi	27 avqust 1983(1983-08-27)
Doğum yeri	Şəki, Azərbaycan SSR, SSRİ
Vətəndaşlığı	SSRİ→ Azərbaycan
Boyu	180 sm
Çəkisi	85 kq
İdman növü	karate, budo döyüş növləri

Rövşən Həsənov – Qocyu-Ryu Kontakt Karate idman növü üzrə 1-ci Dan “Qara kəmər” sahibi, bir sıra klub və respublika birinciliklərinin qalibi, Şəki “Qafqaz” İdman Klubunda ekspert vəzifəsində çalışır.

Haqqında əlavə məlumatlar

27 avqust 1983-cü il tarixdə Şəkidə anadan olub.

2000-ci ildə 4 saylı orta məktəbi bitirdikdən sonra 2004-2006-cı illərdə Şəki Texniki Peşə Məktəbində turizm agenti ixtisası üzrə təhsil alıb. Sonra, 2006-2007-ği illərdə Azərbaycan Həmkarlar İttifaqı Konfederasiyası Mədəniyyət İşçiləri Müstəqil Həmkarlar İttifaqının Azərbaycan Respublika Komitəsi Mədəniyyət İşçiləri Evininin nəzdində olan jurnalistika kursunda oxuyub.

Şəkinin görkəmli ziyalılarından biri olmuş Baxşəli Axundovun nəticəsidir.

İdman uğurları

• 29 avqust 2013-cü ildə Şəkidə keçirilmiş Çingiz Mustafayevin 53 illiyinə həsr edilmiş turnirin qalibi.
• 10 may 2014-cü ildə ümummilli lider Heydər Əliyevin anadan olmasının 91 illiyinə həsr edilmiş Kontakt Karate döyüş növü üzrə Şəki şempionatının qalibi.
• Azərbaycan Budo Döyüş Növləri Federasiyası tərəfindən 2017-ci ildə İmişlidə keçirilmiş budo döyüş növləri MMA kontakt sistemi üzrə respublika birinciliyinin 85 kq çəkidə qalibi.
• 2019-cu ilin dekabr ayında Şəki Olimpiya Kompleksində keçirilən ümummilli lider Heydər Əliyev adına Beynəlxalq turnirin qalibi.