Süleyman xan Şəkinski
| Süleyman xan Şəkinski | |
|---|---|
| Şəkinski Süleyman xan Səlim xan oğlu | |
 | |
| Şəki xanları, yaxud xanzadələri (şərti), - Şəki xan sarayında firiz (divar rəfi - irəf) üzərində | |
| Anadan olub | |
| Vəfat edib | - 1861 |
| Həyat yoldaşı | Hürcahan bəyim Yusif xan qızı |
| Atası | Səlim xan |
| Anası | Tutu bəyim (İbrahim xanın qızı) |
Süleyman xan Şəkinski – Qarabağ bəyi, çar zabiti, podpolkovnik, İbrahimxəlil xan Cavanşirin və Çələbi xan Şəkilinin nəvəsi
Haqqında məlumatlar
1827-ci ildə Rusiya İmperiyası ərazisinə keçərək rus çarının təbəəliyini qəbul edilməsini xahiş edib.
Eyni vaxtda Şuşada yaşayan xalası Gövhər ağa isə onu rəsmən evladlığa götürərək ona zamin durub.
1829-cu ilin əvvəllində onun müraciətinə müsbət cavab verilib və həmin ilin oktyabr ayında ona illik 600 manat maaş təyin edilib.
1838-ci ildə mayor hərbi rütbəsi ilə Varşavadakı Zaqafqaziya müsəlman polkunda polk komandirinin köməkçisi idi.
1838-ci ilin iyul ayında əla çalışqan hərbi xidmətinə görə 2 min manat məbləğində daimi və irsi təqaüd ilə mükafatlandırılır.
1841-ci ildə Kaspi quberniyasından Sankt-Peterburqa – rus çarı I Nikolayın yanına göndərilmiş iki deputatdan biri olmuş, bu görüşdə hərbi rütbəsi podpolkonikə qaldırılmış və həm də qiymətli hədiyyələr almışdır.
1844-cü ildə hərbi xidmətdən çıxaraq İrana gedir. Bu Rusiya hakimiyyət dairələrində qısqanclıqla qarşılanır, onun 2 min manat məbləğində daimi və irsi təqaüdünü kəsdikdən sonra Rusiya İmperiyası ərazisinə daxil olamsına da qadağa qoymaq istəyirlər. Lakin sonda bu qərara gəlirlər ki, onun İranda qalması da Rusiya İmperiyasının maraqlarına uyğun gəlmir, nə yolla olursa olsun, onu İrandan çıxarıb Rusiyanın ucqar ərazilərinə sürgün etmək lazımdır. Beləliklə, 1844-cü ilin sonunda Süleyman xan hiylə ilə Təbrizdəki rus konsulluğuna çağırılaraq həbs edilir, 1845-ci ilin yanvarında oradan əvvəlcə Tiflisə aparılır, Tiflisdən isə Voronejə sürgün edilir.
1846-cı ildə sürgündən azad edilib. Şuşaya qayıdıb və yenidən rus ordusunda xidmətini davam etdirib. Dağlılar üzərinə yürüşlərdə fərqləndiyinə görə təqaüdü bərpa olunub.
1849-cu ildən isə yenidən Varşavadakı müsəlman polkunda hərbi xidmətini davam etdirməyə başlayıb[1].
1861-ci ilə aid sənəddə adı vəfat etmiş şəxs kimi çəkilir[2].
Ailəsi
Süleyman xan Hürcahan bəyim Yusif xan qızı ilə ailə qurmuşdu. Həsən ağa adlı oğlu, Sara bəyim və Tuti bəyim adlı qızları vardı.
İstinadlar
- ↑ "О ВОЗОБНОВЛЕНИИ ПРОИЗВОДСТВА ПОДПОЛКОВНИКУ СУЛЕЙМАН ХАНУ ВСЕМИЛОСТИВЕЙШЕ ПОЖАЛОВАННЫХ ЕМУ АРЕНДНЫХ ДЕНЕГ И ПЕНСИИ, А ТАК ЖЕ О ПРЕДПОЛОЖЕНИИ ПЕРЕВЕЗТИ ЕГО НА СЛУЖБУ В ВАРШАВУ В НАХОДЯЩИЕСЯ ТАМ РЕГУЛЯРНЫЕ КАВКАЗСКИЕ ВОЙСКА. Н.15 МАРТА - К.27 ИЮНЯ 1849 Г." https://rgia.su/ (русский). Российский государственный исторический архив. 16 Nov 2020 tarixində arxivləşdirilib.
- ↑ "О НАЗНАЧЕНИИ НАСЛЕДНИКАМ УМЕРШЕГО ПОДПОЛКОВНИКА СУЛЕЙМАН ХАНА ПРОИЗВОДИВШИХСЯ ЕМУ АРЕНДНЫХ ДЕНЕГ. Н.4МАРТА 1861Г.-К.21АПРЕЛЯ 1861Г." https://rgia.su/ (русский). Российский государственный исторический архив. 16 Nov 2020 tarixində arxivləşdirilib.
Ədəbiyyat
- Mətnin linki // Акты, собранные Кавказской археографической комиссией / под редакцией: А. П. Берже. — Тифлис, 1884. — Т. IX. — С. 909 – 913.
- Mətnin linki // Акты, собранные Кавказской археографической комиссией / под редакцией: А. П. Берже. — Тифлис, 1885. — Т. X. — С. 830. — ISBN 978-5-458-67813-1.
- Mətnin linki // Акты, собранные Кавказской археографической комиссией / под редакцией: А. П. Берже. — Тифлис, 1885. — Т. X. — С. 290. — ISBN 978-5-458-67813-1.