Eldar Əliyev

Eldar Əliyev
Əliyev Eldar Həsən oğlu
İlk adı	Elbert
Doğum tarixi	14 yanvar 1936(1936-01-14)
Doğum yeri	Nuxa, Nuxa rayonu, Azərbaycan SSR ZSFSR, SSRİ
Vəfat tarixi	27 fevral 1984 (48 yaşında)
Vəfat yeri	Bakı, Azərbaycan SSR, SSRİ
Həyat yoldaşı	Tamara Əliyeva
Uşaqları	Leyla, Eldarə
Atası	Həsən Əliyev
Təhsili	M.F.Axundov adına Rus dili və Ədəbiyyatı Pedaqoji İnstitutu ( – 1959) M.Əliyev adına Teatr İnstitutu, teatr rejissorluğu fakültəsi ( – 1966)
IMDb	ID 3107848

Eldar Əliyev (1936 – 1984) — teatr rejissoru, həmçinin kino aktyoru kimi bir sıra bədii filmlərdə də çəkilib. Böyük teatrın (Moskva, Rusiya federasiyası) solisti Dinarə Əliyevanın əmisidir.

Haqqında məlumatlar

1936-cı ildə Nuxada anadan olub.

Təhsili

1959-cu ildə M.F.Axundov adına Rus dili və Ədəbiyyatı Pedaqoji İnstitutunu,

1966-cı ildə M.Əliyev adına Teatr İnstitutunun teatr rejissorluğu fakültəsini bitirib.

Əmək və yaradıcılıq fəaliyyəti

1959-cu ildən Bakı şəhər 20 nömrəli orta məktəbində müəllim işləyib.

1966-cı ildə Rus Dram Teatrının rejissoru olub. Ş.Qurbanov adına Musiqili Komediya Teatrında, Leninqrad Dövlət Musiqili Komediya Teatrında quruluşları olub. Bolqar dramaturgiyası festivalında Panço Pançevin “Dörd əkizin nağılı” pyesinin Komissarjevskaya adına Leninqrad Dram Teatrının səhnəsində tamaşaya qoyulmasında iştirak edib.

Vəfatı

27 fevral 1984-cü il tarixdə – 48 yaşında, Bakıda vəfat edib.

Ailəsi

Atası: Həsən Əliyev “Azərbaycanfilm” kinostudiyasının dublyaj redaksiyasında çalışıb.

Həyat yoldaşı: Tamara Əliyeva, pedaqoq, M.F.Axundov adına Rus dili və Ədəbiyyatı Pedaqoji İnstitutunda müəllim işləyib.

Uşaqları: Leyla və Eldarə.

Filmoqrafiya

1. Yenilməz batalyon (film, 1965) (həbsxanadan qaçan).
2. Sən niyə susursan? (film, 1966) (müfəttiş).
3. Mən ki gözəl deyildim (film, 1968) (Çingiz).
4. Dəli Kür (film, 1969) (Rus Əhməd).
5. “Eto sladkoye slovo - svoboda!” (film, 1972) (leytenant Kurilyov).
6. 1001-ci qastrol (tammetrajlı bədii film, 1974) (kinorejissor).
7. “Mezozoy əhvalatı” (film, 1976) (Arif).
8. Qız qalası əfsanəsi (film, 1978).
9. Toral və Zəri (film, 1979).
10. Gümüşü furqon (film, 1982).

İstifadə edilmiş əsas mənbələr

• Samirə (5 mart 2009). "Məşhur filmin haqqında az danışılan aktyoru". http://www.anl.az/ (azərb.). “Həftə içi” qəzeti. 19 Dec 2020 tarixində arxivləşdirilib.