Varid Fərzəlibəyov
| Varid Fərzəlibəyov | |
|---|---|
| Fərzəlibəyov Varid Nəsib oğlu | |
 | |
| Varid Fərzəlibəyov, 1958-ci il. | |
| Şəxsi məlumatlar | |
| Doğum tarixi | 2 iyul 1933 |
| Doğum yeri |
Nuxa, .svg){kind=small} Azərbaycan SSR,  ZSFSR,  SSRİ |
| Vəfat tarixi | 23 mart 1999 (65 yaşında) |
| Vəfat yeri |
Bakı,  Azərbaycan |
| Vətəndaşlığı |
SSRİ→ Azərbaycan |
Varid Fərzəlibəyov (1933–1999) — tanınmış ixtiraçı-mühəndis, həvəskar tarzən, bas tarının (bəm tarın) yaradıcısı[1]. Sənətkarlıq və tətbiqi sənətə xüsusi maraq göstərdiyindən ağac oyma sənəti sahəsində də tanınmışdır. Layihələndirdiyi və ağacdan hazırladığı bir sıra suvenirlər Azərbaycan SSR Mədəniyyət Nazirliyi nəzdində fəaliyyət göstərən suvenir fabrikində kütləvi istehsal olunub.
Haqqında məlumatlar
2 iyul 1933-cü il tarixdə Nuxada anadan olub.
Təhsili
M.F.Axundov adına Nuxa şəhər 2 №-li orta məktəbini bitirib.
M.Əzizbəyov adına Azərbaycan Neft və Kimya İnstitutunun energetika fakültəsində təhsil alıb.
Əmək fəaliyyəti
30 il “Azərelektroişıq” istehsalat birliyinin laboratoriya müdiri olub.
Yaradıcılığı
1962-ci ildə yeni bir müsiqi alətini – bas tarını (bəm tarı)[2] ixtira edib. Azərbaycan Dövlət Konservatoriyasında İ.Hacıbəyov, Ə.Abbasov, C.Hacıyev, Ə.Bakıxanov, H.Xanməmmədovun iştirakı ilə təşkil olunmuş komissiya bu ixtiraya yüksək qiymət verib.
1966-cı ildə bu alətə görə SSRİ miqyasında patent alıb[3]. Bas tarını Sadıqcanın tarından fərqləndirən odur ki, çanağın içindəki arakəsmədə alətin səs temrbini (səs çalarını) dəyişdirən diafraqmalı dəlik var və tarın qoluna birləşən çanaq üstü açıqdır. Bas tarı quruluşuna görə tarın böyük formasıdır, mizrabı adi tar mizrabından iki dəfə böyükdür. Bir qayda olaraq, tarzənlər tərəfindən ifa olunur. Alətin notları bas açarında yazılır.
İstinadlar
Ədəbiyyat
- Məmmədov Ə., Xalıqov F. Fərzəlibəyov Varid // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 138 – 142. — 600 nüsx. — ISBN 5-8066-1708-4.