Əhməd Əbdürrəhmanov

Əhməd Əbdürəhmanlı
Əbdürəhmanlı Əhməd İsa oğlu
Əhməd Əbdürəhmanlı.
Anadan olub	1906(1906-Şablondakı doğum və ya ölüm tarixində texniki yanlışlıq var!-00)
Anadan olduğu yer	Nuxa (indiki Şəki), Yelizavetpol quberniyası, Rusiya İmperiyası
Vəfat edib	21 fevral 1946 (40 yaşında)
Vəfat etdiyi yer	Nuxa, Azərbaycan SSR, SSRİ
Uşaqları	Yusif Abdurrahmanov və Vəzifə Əbdürəhmanova
Təhsili	Azərbaycan Ali Pedaqoji İnstitutu, riyaziyyat fakültəsi (1923–1927)

Əhməd Əbdürəhmanlı (1906–1946) — pedaqoq, sovet və partiya işçisi və rəhbər kadr. Müxtəlif illərdə Stalin adına Nuxa Pedaqoji Məktəbinin direktoru, Nuxa rayon Zəhmətkeş Deputatlar Soveti İcraiyyə Komitəsinin sədri, Azərbaycan KP Nuxa Şəhər Komitəsinin birinci katibi vəzifəsində çalışmışdır.

Haqqında məlumatlar

1906-cı ildə Nuxada, fəhlə ailəsində anadan olub.

Təhsili

1913 – 1923-cü ilərdə Nuxa şəhər 2 saylı məktəbində,

1923 – 1927-ci illərdə isə Azərbaycan Ali Pedaqoji İnstitutunun riyaziyyat fakültəsində təhsil alıb.

Əmək fəaliyyəti

1929 – 1938-ci illərdə Stalin adına Nuxa Pedaqoji Məktəbində müəllim işləyib.

2 yanvar 1938-ci il tarixdə Azərbaycan SSR Xalq Maarif Komissarlığının 7 saylı əmri ilə Nuxa Stalin adına Pedaqoji Texnikumu və onun ətraf təsərrüfatına müvəqqəti olaraq direktor təyin edilib.

17 yanvar 1939-cu il tarixdə Azərbaycan SSR Xalq Maarif Komissarı T.Hacıyevin əmrinə əsasən Stalin adına Nuxa Pedaqoji Texnikumunun və Kirov adına pedrabfaktın direktoru vəzifələrində saxlanılıb.

16 avqust 1939-cu il tarixdə Azərbaycan SSR Xalq Maarif Komissarlığının 3573 №-li əmrinə əsasən başqa işə keçirilməsi ilə əlaqədar vəzifəsindən azad edilib.

1939 – 1940-cı illərdə Nuxa rayon Zəhmətkeş Deputatlar Soveti İcraiyyə Komitəsinin sədri,

1940-cı ildən sonra Azərbaycan KP Nuxa Şəhər Komitəsinin birinci katibi vəzifəsində çalışıb.

Vəfatı

21 fevral 1946-cı il tarixdə – 40 yaşında, vəfat edib.

Ədəbiyyat

1. Şükürov R., Orsər R. Əbdürəhmanlı Əhməd İsa oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 113. — (Ş 4702060200). — 1.000 nüsx. — ISBN 978995244710.

Həmçinin, bax:

Azərbaycan KP Şəki şəhər partiya komitəsinin birinci katibləri