Nüsrət Mikayılov

Nüsrət Mikayılov
Mikayılov Nüsrət Zahid oglu
Nüsrət Mikayılov.
Şəxsi məlumatlar
Doğum tarixi	4 dekabr 1933(1933-12-04)
Doğum yeri	Nuxa, Nuxa rayonu, Azərbaycan SSR, ZSFSR, SSRİ
Vəfat tarixi	10 aprel 2018 (84 yaşında)
Vəfat yeri	Şəki, Azərbaycan
Vətəndaşlığı	SSRİ→ Azərbaycan
Musiqi aləti	tar
Təhsili	Nuxa Orta İxtisas Musiqi Texnikumu (1957–1962)
Mükafatları

Nüsrət Mikayılov (1933–2018) — tarzən-pedaqoq; müxtəlif vaxtlarda Şəkidəki uşaq musiqi məktəblərində, həmçinin Şəki Musiqi Texnikumunda tar dərsi demiş, Şəki rayonunun Ordjonikidze (indiki Turan) qəsəbəsindəki musiqi məktəbinin və Şəki Şəhər 1 №-li Uşaq Musiqi Məktəbinin direktoru vəzifəsində çalışmışdır.

Haqqında məlumatlar

4 dekabr 1933-cu il tarixdə Nuxada (indiki Şəki) anadan olub.

Təhsili

1957 – 1962-ci illərdə Nuxa Orta İxtisas Musiqi Texnikumunda təhsil alıb.

Əmək fəaliyyəti

1962 – 1981-ci illərdə Nuxa/Şəki Orta İxtisas Musiqi Texnikumunun xalq çalğı alətləri şöbəsində tar üzrə baş müəllim,

1981 – 1983-cü illərdə Şəki rayon Ordjonikidze qəsəbəsindəki musiqi məktəbinin direktoru,

1983 – 1986-cı illərdə Şəki Şəhər 1 №-li Ushaq Musiqi Məktəbinin direktoru,

1987 – 2011-ci illərdə Şəki Şəhər Uşaq İncəsənət Məktəbində əsas tar müəllimi vəzifəsində çalışıb.

Təltif və mükafatları

• Vladimir İliç Leninin anadan olmasının 100 illiyi ilə əlaqədar yubiley medalı (1970).
• “Doqquzuncu beşilliyin zərbəçisi” döş nişanı (1976).
• Azərbaycan Respublikası Mədəniyyət və Turizm nazirliyinin Fəxri fərmanı – musiqi təhsili sahəsində çoxillik səmərəli fəaliyyətinə görə (2008).

Vəfatı

10 aprel 2018-ci il tarixdə – 84 yaşında, Şəkidə vəfat edib.