Fərid Hüseynov

Fərid Hüseynov
Hüseynov Fərid Ehtibar oğlu
Fərid Hüseynov.
Doğum tarixi	11 iyun 1994(1994-06-11)
Doğum yeri	Qayabaşı, Şəki rayonu, Azərbaycan
Vəfat tarixi	29 oktyabr 2020 (26 yaşında)
Vəfat yeri	Şuşa şəhəri ətrafı, Azərbaycan
Dəfn yeri	Qayabaşı, Şəki rayonu, Azərbaycan
Vəfat səbəbi	döyüşdə şəhid olub
Vətəndaşlıq	Azərbaycan
Mənsubiyyəti	Azərbaycan Ordusu
Atası	Etibar Hüseynov
Anası	Yeganə
Həyat yoldaşı	Ülviyyə
Hərbi fəaliyyəti
Qoşun növü	Quru Qoşunları
Rütbə	sıravi
Təltifləri

Fərid Hüseynov (1994–2020) — Vətən müharibəsində şəhid olmuş Azərbaycan Silahlı Qüvvələrinin əsgəri.

Haqqında məlumatlar

11 iyun 1994-cü il tarixdə Şəki rayonunun Qayabaşı kəndində anadan olub.

Təhsili

2000 – 2011-ci illərdə Qayabaşı kənd tam orta məktəbində təhsil alıb.

Əmək fəaliyyəti

2013 – 2017-ci illərdə Qayabaşı kəndində fərdi təsərrüfatla məşğul olub.

2017-ci ildən Bakı şəhərinin Binəqədi rayonunun Xocəsən qəsəbəsində fəhlə işləyib.

Hərbi xidmətdə

2011 – 2013-cü illərdə həqiqi hərbi xidmətdə olub (Ağdam rayonu, Quru qoşunları, atıcı).

27 sentyabr 2020-ci il tarixdə Vətən müharibəsi başlayarkən yenidən orduya çağırılıb. Xocavənd rayonunda və Şuşa şəhəri ətrafında gedən döyüşlərdə iştirak edib.

Şəhid olması

29 oktyabr 2020-ci il tarixində Şuşa şəhəri ətrafında gedən döyüşdə mühasirəyə düşüb və düşmənin endirdiyi artilleriya zərbəsi nəticəsində 26 yaşında qəhrəmancasına həlak olub.

12 noyabr 2020-ci il tarixdə anadan olduğu Şəki rayonunun Qayabaşı kəndinin kənd qəbiristanlığında dəfn edilib.

Təltif və mükafatları

• “Vətən uğrunda” medalı – ölümündən sonra (15.12.2020);
• “Xocavəndin azad olunmasına görə” medalı – ölümündən sonra (25.12.2020);
• “Hərbi xidmətlərə görə” medalı – ölümündən sonra (30.12.2020);
• “Cəbrayılın azad olunmasına görə” medalı (24.06.2021).

Ailəsi

Ailədə iki qardaş olublar.

2017-ci ildə anası vəfat edib.

2014-cü ildə ailə qurmuşdu, iki qız atası idi.

Ədəbiyyat

1. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
2. Azərbaycan Respublikası Silahlı Qüvvələrinin hərbi qulluqçularının “Xocavəndin azad olunmasına görə” medalı ilə təltif edilməsi haqqında Azərbaycan Respublikası Prezidentinin Sərəncamı (azərb.). https://mod.gov.az/. Azərbaycan Müdafiə Nazirliyi (25 DEKABR 2020). Arxivləşdirilib (26 iyun 2021).
3. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Hərbi xidmətlərə görə” medalı ilə təltif edilməsi haqqında : [arx. 09.03.2022] // Azərbaycan Müdafiə Nazirliyi. — 2020. — 30 dekabr. — Müraciət tarixi: 30.08.2022.
4. Azərbaycan Respublikası Prezidentinin Silahlı Qüvvələrin hərbi qulluqçularının “Cəbrayılın azad olunmasına görə” medalı ilə təltif edilməsi haqqında Sərəncamı (azərb.). https://mod.gov.az/. Azərbaycan Müdafiə Nazirliyi (24 İYUN 2021). Arxivləşdirilib (27 iyun 2021).
5. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : FƏRİD Etibar oğlu Hüseynov : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.