Əfrаim Abdullayev

Əfrаim Abdullayev
Abdullayev Əfrаim Abdulla oğlu
Əfrаim Abdullayev.
Anadan olub	26 avqust 1950(1950-08-26)
Anadan olduğu yer	Nuxa (indiki Şəki), Azərbaycan SSR, SSRİ
Vəfat edib	6 sentyabr 2023 (73 yaşında)
Vəfat etdiyi yer	Bakı, Azərbaycan
Dəfn yeri	Məhəmməd əfəndi qəbiristanlığı, Şəki
Həyat yoldaşı	Natalya
Uşağı	Fuad
Atası	Abdulla Abdullayev
Anası	Səlimə Abdullayeva
Vətəndaşlıq	SSRİ→ Azərbaycan
Təhsili	Ç.İldırım adına Azərbaycan Politexnik İnstitutu, tikinti mühəndisi ixtisası (1978–1984)

Əfrаim Abdullayev (1950–2023) — tanınmış mühəndis və iş adamı.

Haqqında məlumatlar

26 avqust 1950-cı il tarixdə Nuxada (indiki Şəki) anadan olub.

Təhsili

8-ci sinfə qədər əvvəl Nuxa şəhər 10 №-li orta məktəbində, sonra isə Nuxa şəhər 7 №-li orta məktəbində azərbaycan dilində, 8-ci sinifdən sonra isə Nuxa gecə məktəbində rus dilində orta təhsil alıb.

1978 – 1984-ci illərdə Ç.İldırım adına Azərbaycan Politexnik İnstitutunda tikinti mühəndisi ixtisası üzrə təhsil alıb.

Hərbi xidmət

1968 – 1970-ci illərdə həqiqi hərbi xidmətdə olub.

Əmək fəaliyyəti

1970-ci ildə Şəki ipək kombinatında əmək fəaliyyətinə başlayıb.

1972 – 1976-cı illərdə Azərbaycan SSR Daxili İşlər Nazirliyinin avtomobil təsərrüfatında sürücüsü-əməkdaş, sonra isə taksi sürücüsü işləyib.

1985 – 1988-ci illərdə Bakı şəhər kanalizasiya idarəsində texniki təhlükəsizlik üzrə mühəndis,

1988-ci ildən Bakı şəhər Xalq Deputatları Soveti İcraiyyə Komitəsində böyük mühəndis,

1990 – 1994-cü illərdə Bakı suvenir fabrikində sex rəisi vəzifəsində çalışıb.

1997-ci ildən isə alman MAN şirkətinin Bakı bürosunun rəhbəri olub.

Vəfatı

6 sentyabr 2023-cü il tarixdə – 73 yaşında, Şəkidə vəfat edib. Şəkidə Məhəmməd əfəndi qəbiristanlığında dəfn olunub.