Ruslan İbrahimov

Ruslan İbrahimov
	İbrahimov Ruslan Xeyrəddin oğlu
	Ruslan İbrahimov, 2019-cu il
Doğum tarixi	9 fevral 1986 (38 yaş)
Doğum yeri	Aravan rayunu, Qırğızıstan SSR, SSRİ
Vətəndaşlığı	SSRİ→ Azərbaycan
Təhsili	Şəki Pedaqoji Texnikumu (2003 – 2006); Azərbaycan Dövlət Rəssamlıq Akademiyası (2006 – 2010);

Ruslan İbrahimov (İbrahimov Ruslan Xeyrəddin oğlu; d. 9 fevral 1986-cı ildə, Aravan rayonu, Qırğızıstan SSR, SSRİ) – ali təhsilli rəssam, “Eliteja” şirkətlər qrupunun baş rəssamı. Azərbaycanda binaların dizayn işləri, dizayn konsepti, daxili memarlıq həlli layihələrini hazırlayıb.

Haqqında məlumatlar

1986-cı ildə Qırğızıstan SSR-nin Aravan rayonunda anadan olub.

1990-cı ildə ailəsi ilə birlikdə Şəki rayonunun Aydınbulaq kəndinə köçüb.

Təhsili

1992 – 2003-cü illərdə Aydınbulaq kənd orta məktəbində oxuyub.

2003 – 2006-cı illərdə həm Şəki Pedaqoji Texnikumunun incəsənət fakültəsində təhsil alıb, həm də Fuad Abdurrəhmanov adına Şəki 1 saylı Uşaq İncəsənət məktəbində Səbuhi Məmmədovdan rəssamlığın sirlərini öyrənib.

2006 – 2010-cu illərdə isə Azərbaycan Dövlət Rəssamlıq Akademiyasında təhsil alıb.

İş təcrübəsi

2006 – 2010-cu illərdə “Perfect duha” kurslarında qrafik proqramlarından (3D max, V-Ray, Autocad, Photoshop) müəllim;

2009 – 2011-ci illərdə “Həsənoğlu” LTD şirkətində memar-dizayner və rəssam;

2011 – 2013-cü illərdə “Arch Style” MMC-də dizayner;

2013 – 2015-ci illərdə “PLZ” MMC-də baş memar-dizayner;

2015 – 2016-cı illərdə “Karaca” şirkətlər qrupunda dizayner;

2016-cı ildən “Eliteja” şirkətlər qrupunda baş memar-dizayner.

Yaradıcılığı

“Arch Style” MMC-də işlədiyi müddətdə layihələri (2011-2013)

Bakı şəhəri Günəşli qəsəbəsində Şahmat məktəbinin dizayn işləri;
Qax İdman Olimpiya Kompleksinin giriş hissəsinin dizaynı;
Göyçay rayonunda “Gənclər Mərkəzi”nin dizayn işləri;
Tofiq Bəhramov adına stadionun VİP kabineti və yan kabinetlərinin dizaynı;
Şamaxı Gənclər Mərkəzinin dizaynı;
Tərtər İdman Olimpiya Kompleksinin dizayn konsepti;
Tərtər Mehmanxanasının dizaynı.

“PLZ” MMC-də işlədiyi müddətdə layihələri (2013-2015)

Mərdəkanda fərdi yaşayış villaların memarlıq həlli;
Kürdəmirdə ATS binasının daxili memarlıq həlli;
Bakıda 28 mayda Poçt binasının giriş hissəsinin eskizi.

“Karaca” şirkətlər qrupunda işlədiyi müddətdə layihələri (2015-2016)

Türkiyədə “Tubitak” binasının konsepti;
Türkiyədə “Tubitak” Otelinin konsepti;
Türkiyədə “Martek Kulucka mərkəzi”nin dizayn konsepti.

Bakı şəhəri Günəşli qəsəbəsində Şahmat məktəbi