Əbdülhəmid Rəcəbzadə

Əbdülhəmid Rəcəbzadə
	Rəcəbzadə Əbdülhəmid Yunus oğlu
	Əbdülhəmid Rəcəbzadə, 1980.
Anadan olub	8 mart 1915
Anadan olduğu yer	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat edib	1995 (80 yaşında)
Vəfat etdiyi yer	Bakı, Azərbaycan
Vətəndaşlıq	SSRİ→ Azərbaycan
Təhsili	Azərbaycan Tibb İnstitutu (1933–1938)
Mükafatları	;

Əbdülhəmid Rəcəbzadə (1915–1995) — tanınmış səhiyyə işçisi, hərbçi-həkim, tibb xidməti polkovniki, Azərbaycan SSR əməkdar həkimi.

Haqqında məlumatlar[redaktə | HTML redaktə]

8 mart 1915-ci il tarixdə Nuxada (indiki Şəki) anadan olub.

Təhsili[redaktə | HTML redaktə]

İlk təhsilini Zaqatalada alıb.

1932-ci ildə Bakıda Sənaye Texnikumuna daxil olsa da, xəstəliyi səbəbindən təhsilini yarımçıq buraxaraq Nuxaya qayıdıb və Nuxa radio qovşağında diktor kimi əmək fəaliyyətinə başlayıb.

1933 – 1938-ci illərdə Azərbaycan Tibb İnstitutunun müalicə-profilaktika fakültəsində təhsil alıb.

Mülki və hərbçi əmək fəaliyyəti[redaktə | HTML redaktə]

1938 – 1939 illərdə Nuxa rayonundakı Orconikidze qəsəbəsində həkim,

1939 – 1940 illərdə Nuxa Tibb Texnikumunun direktoru vəzifəsində çalışıb.

1940-ci ildə hərbi xidmətə keçib, Böyük Vətən müharibəsində iştirak edib.

1945-ci ildə Tbilisidə – Zaqafqaziya Hərbi Dairəsində həkim,

1950 – 1956-cı illərdə Bakı Ali Zabitlər məktəbində həkim,

1956 – 1973-cü illərdə Azərbaycan SSR Daxili İşlər Nazirliyinin hərbi hissəsində hissə komandirinin tibb üzrə müavini vəzifəsində çalışıb.

1973-ci ildə hərbi xidmətdən tərxis olunub.

1973 – 1979-cu illərdə Bakı Şəhər Səhiyyə Şöbəsi müdirinin birinci müavini,

1979 – 1990-illərdə isə Bakı Şəhər Səhiyyə Şöbəsində birinci şöbənin rəisi vəzifəsində çalışıb.

Təltif və mükafatları[redaktə | HTML redaktə]

3 orden və 15 medalla təltif olunub; o cümlədən,

“Qırmızı Ulduz” ordeni (24.08.1945);
“Döyüş xidmətlərinə görə” medalı (15.11.1950);
“Qırmızı Ulduz” ordeni (30.12.1956);
“Səhiyyə əlaçısı” döş nişanı;
“Azərbaycan SSR əməkdar həkimi” fəxri adı (1962);
II dərəcəli “Vətən müharibəsi” ordeni (06.04.1985).

Vəfatı[redaktə | HTML redaktə]

1995-ci ildə – 80 yaşında, Bakıda vəfat edib.

Ədəbiyyat[redaktə | HTML redaktə]

Раджабзаде Абдул-Гамид Юнус-оглы : [arx. 16.04.2023] : [rus.] // Память народа. — Müraciət tarixi: 16.04.2023.
Mete Ə. Mənalı ömür yollarında // O torpağın övladları. — Bakı: Nurlan, 2006. — Səhifələrin sayı: 608. — Səh.: 345. — 500 nüsx.