Anar Əzizsoy

Anar Əzizsoy
Azizsoy Anar Fərhad oğlu
Anar Əzizsoy, 2019-cu il
Doğum tarixi	13 iyul 1977 (1977-07-13)
Doğum yeri	Şəki, Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	incəsənət tarixi
Elmi dərəcəsi	incəsənət tarixi üzrə fəlsəfə doktoru
Elmi adı	dosent
Təhsili	Trakya Universiteti (bakalaviatura, 1995 − 2001; magistratura, 2002 − 2005; Ədirnə, Türkiyə)

Anar Azizsoy (Azizsoy Anar Fərhad oğlu; d. 13 iyul 1977-ci ildə, Şəki, Azərbaycan SSR, SSRİ) – incəsənət tarixi üzrə fəlsəfə doktoru, dosent. Karabük Universiteti (Türkiyə) incəsənət tarixi kafedrasının qərb incəsənəti və müasir incəsənət şöbəsinin rəhbəri, İslam Ensiklopediyasının bölüm yazarı.

Haqqında məlumatlar

13 iyul 1977-ci il tarixdə Şəkidə anadan olub.

Təhsili

1984 − 1992-ci illərdə Şəki şəhər M.Qorki adına 10 nömrəli orta məktəbdə səkkizillik,

1992 − 1995-ci illərdə isə Türkiyənin Konya şəhərindəki liseydə tam orta təhsil alıb.

1995 − 2001-ci illərdə Trakya Universitetində (Ədirnə, Türkiyə) bakalavr,

2002 − 2005-ci illərdə həmin universitetin incəsənət tarixi kafedrasında maqistr təhsili alıb.

Əmək fəaliyyəti

2010 – 2016-cı illərdə Batman universitetinin mədəni irsin qorunması və bərpası kafedrasında dosent köməkçisi,

2014 – 2016-cı illərdə isə həmin kafedrasının rəhbəri olub.

2016-cı ildən Karabük Universiteti (Türkiyə) incəsənət tarixi kafedrasının qərb incəsənəti və müasir incəsənət şöbəsinin rəhbəridir

Elmi fəaliyyəti

2010-cu ildə İstanbul Universitetinin incəsəənət tarixi kafedrasında A“zərbaycanın şimal-qərb bölgəsinin memarlıq üslubu” adlı mövzuda dissertasiya müdafiə edərək incəsənət tarixi üzrə fəlsəfə doktoru adını alıb.

2017-ci ildə dosent elmi adını alıb.

Bakı Milli Elmlər Akademiyası, Arxeologiya və Etnoqrafiya İnstitunun 2007 − 2017-ci illər ərzində apardığı qazıntı və bərpa işlərində, arxeoloq Nəsib Muxtarovun rəhbərliq etdiyi Şimal Qərb Bölgəsi Arxeoloji Ekspedisiyasının üzvü kimi, Avropa İttifaqının dəstəyi ilə həyata keçirilən “Azərbaycanın Şimal Qərb Zonasında Turizmin İnkişafı” layihəsində incəsənət tarixi mütəxəssisi kimi iştirak etmişdir. Azərbaycan, Orta Asiya, Anadolu memarlıq əlaqələrini əhatə edən mövzularda beynəlxalq konfrans və simpoziumlardaki çıxışları ilə yanaşı sənət tarixi sahəsində dərc olunan 40’dan çox elmi əsərin müəllifidir və İslam Ensiklopediyasının bölüm yazarıdır.

Ailəsi

Ailəlidir, iki övladı vardır.