Anar Əzizsoy

Anar Əzizsoy
Əzizsoy Anar Fərhad oğlu
Anar Əzizsoy, 2019-cu il.
Doğum tarixi	13 iyul 1977 (1977-07-13)
Doğum yeri	Şəki, Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	incəsənət tarixi
Elmi dərəcəsi	incəsənət tarixi üzrə fəlsəfə doktoru
Elmi adı	professor
Təhsili	Trakya Universiteti (bakalavriat, 1995−2001; magistratura, 2002−2005; Ədirnə, Türkiyə)
Atası	Fərhad Əzizov
Anası	Şərafət Əliyeva-Əzizova
Adının digər versiyaları	Anar Ezizsoy, Anar Azizsoy, Анар Эзизсой, Анар Азизсой, Анар Әзизсој

Anar Əzizsoy — incəsənət tarixi üzrə fəlsəfə doktoru, professor, Karabük Universiteti (Türkiyə) incəsənət tarixi kafedrasının qərb incəsənəti və müasir incəsənət şöbəsinin rəhbəri, İslam Ensiklopediyasının bölüm yazarı.

Haqqında məlumatlar

13 iyul 1977-ci il tarixdə Şəkidə anadan olub.

Təhsili

1984 − 1992-ci illərdə Şəki şəhər M.Qorki adına 10 nömrəli orta məktəbində,

1992 − 1995-ci illərdə isə Türkiyənin Konya şəhərindəki liseydə oxuyub.

1995 − 2001-ci illərdə Trakya Universitetinin (Ədirnə, Türkiyə) bakalavriatında,

2002 − 2005-ci illərdə isə həmin universitetin incəsənət tarixi kafedrasının magistraturasında təhsil alıb.

Əmək fəaliyyəti

2010 – 2016-cı illərdə Batman universitetinin mədəni irsin qorunması və bərpası kafedrasında dosent köməkçisi,

2014 – 2016-cı illərdə isə həmin kafedranın rəhbəri olub.

2016-cı ildən Karabük Universiteti (Türkiyə) incəsənət tarixi kafedrasının qərb incəsənəti və müasir incəsənət şöbəsinin rəhbəridir.

Elmi fəaliyyəti

2010-cu ildə İstanbul Universitetinin incəsənət tarixi kafedrasında “Azərbaycanın şimal-qərb bölgəsinin memarlıq üslubu” adlı mövzuda dissertasiya müdafiə edərək incəsənət tarixi üzrə fəlsəfə doktoru elmi dərəcəsi alıb.

2017-ci ildə dosent elmi adını alıb.

Bakı Milli Elmlər Akademiyası, Arxeologiya və Etnoqrafiya İnstitutunun 2007 − 2017-ci illər ərzində apardığı qazıntı və bərpa işlərində arxeoloq Nəsib Muxtarovun rəhbərlik etdiyi Şimal Qərb Bölgəsi Arxeoloji Ekspedisiyasının üzvü kimi, Avropa İttifaqının dəstəyi ilə həyata keçirilən “Azərbaycanın Şimal Qərb Zonasında Turizmin İnkişafı” layihəsində incəsənət tarixi mütəxəssisi kimi iştirak edib. Azərbaycan, Orta Asiya, Anadolu memarlıq əlaqələrini əhatə edən mövzularda beynəlxalq konfrans və simpoziumlarda çıxışlar edib. İncəsənət tarixi mövzusunda 40-dan çox elmi əsəri çap olunub. İslam Ensiklopediyasının bölüm yazarıdır.

Ailəsi

Ailəlidir, iki övladı vardır.

Ədəbiyyat

1. Prof. Dr. Anar AZİZSOY : [arx. 03.05.2023] : [tur.] // UNIS: Akademik Veri Yönetim Sistemi. — Müraciət tarixi: 03.05.2023.