Seyran Zülfüqarov

Seyran Zülfüqarov
	Zülfüqarov Seyran Qasım oğlu
	Seyran Zülfüqarov (2024).
Şəxsi məlumatlar
Doğum tarixi	15 sentyabr 1947 (77 yaş)
Doğum yeri	Nuxa (indiki Şəki), Azərbaycan SSR, SSRİ
Vətəndaşlığı	SSRİ → Azərbaycan
Musiqi aləti	tar
Təhsili	Nuxa/Şəki Orta İxtisas Musiqi Məktəbi (1964–1970)

Seyran Zülfüqarov — tanınmış musiqiçi-pedaqoq və tarzən. Tar və ud alətlərinin ustası kimi də tanınmışdır.

Haqqında məlumatlar[redaktə | HTML redaktə]

15 sentyabr 1947-ci il tarixdə Nuxada (indiki Şəki) anadan olub.

Təhsili[redaktə | HTML redaktə]

1959 – 1964-cü illərdə şəhər Nuxa şəhər 1 №-li musiqi məktəbində tar müəllimi Maqsud Şirinzadədən dərs alıb.

1964 – 1970-ci illərdə təhsilini Nuxa/Şəki Orta İxtisas Musiqi Məktəbinin tar sinfində davam etdirib. Not müəllimi Ağaverdi Dadaşov, muğam müəllimi Maqsud Şirinzadə olub.

Əmək və musiqiçi fəaliyyəti[redaktə | HTML redaktə]

1970 – 1976-cı illərdə Şəki şəhər 1 №-li musiqi məktəbində,

1976-cı ildən isə Şəki Orta İxtisas Musiqi Məktəbində tar müəllimi işləyib.

Digər[redaktə | HTML redaktə]

1970-ci ildə Şəki şəhər şəhər mədəniyyət evində “Səbuhi” xalq çalğı alətləri ansamblını təşkil edib. Bu ansambl onun rəhbərliyi ilə Azərbaycanın bir sıra şəhər və rayonlarında qastrol səfərlərində olub, Bakıda keçirilən respublika əhəmiyyətli tədbirlərdə, Moskvada SSRİ Xalq Təsərrüfatının Nailiyyətləri Sərgisində keçirilən festivallarda iştirak edib.

1991 – 2006-cı illərdə Şəkidə keçirilən Ələsgər Abdullayevin xatirəsinə həsr olunmuş muğam festivallarında xalq artistləri Yaqub Məmmədovu, İslam Rzayevi, Arif Babayevi, Canəli Əkbərovu, Tükəzban İsmayılovanı, Səkinə İsmayılovanı, Ağaxan Abdullayevi və başqalarını tarda müşayiət edib.

Ədəbiyyat[redaktə | HTML redaktə]

Təhmirazqızı S. Seyran Zülfüqarov // Şəkidə ifaçılıq sənəti. — Bakı: Nərgiz, 2016. — Səhifələrin sayı: 224. — Səh.: 177. — 300 nüsx.

Həmçinin, bax:[redaktə | HTML redaktə]