Elçin Nadirov

Elçin Nadirov (1987–2020) — Vətən müharibəsində şəhid olmuş Azərbaycan Silahlı Qüvvələrinin baş çavuşu.

Elçin Nadirov
Nadirov Elçin Nadir oğlu
Elçin Nadirov.
Doğum tarixi	5 dekabr 1987(1987-12-05)
Doğum yeri	Şəki, Azərbaycan SSR, SSRİ
Vəfat tarixi	15 oktyabr 2020 (32 yaşında)
Vəfat yeri	Füzuli rayonu, Azərbaycan
Vəfat səbəbi	döyüşdə şəhid olub
Vətəndaşlıq	SSRİ→ Azərbaycan
Mənsubiyyəti	Azərbaycan Respublikası Daxili İşlər Nazirliyi
Uşaqları	Arzu və Zaur
Atası	Nadir
Anası	Rəmziyyə (Şəki Dövlət Regional Kollecinin müəllimi)
Həyat yoldaşı	Svetlana
Təhsili	Şəki Texnologiya Texnikumu, mühasibat uçotu fakültəsi, qiyabi şöbə (2005–2006, natamam)
Hərbi fəaliyyəti
Qoşun növü	Daxili Qoşunlar
Xidmət illəri	2006 – 2020
Rütbə	baş çavuş
Təltifləri

Haqqında məlumatlar

5 dekabr 1987-ci il tarixdə Şəkidə anadan olub.

Təhsili

1994 – 1998-ci illərdə Şəki şəhər M.F.Axundov adına 2 saylı orta məktəbində,

1998 – 2001-ci illərdə əvvəl Şəki şəhər 5 saylı orta məktəbində, sonra isə Şəki şəhər 7 saylı orta məktəbində,

2001 – 2005-ci illərdə Şəki şəhər fizika-riyaziyyat və humanitar təmayüllü liseyində,

2005 – 2006-cı illərdə Şəki Texnologiya Texnikumunun mühasibat uçotu fakültəsinin qiyabi şöbəsində təhsil alıb.

Hərbi xidmətdə və hərbçi əmək fəaliyyəti

2006-cı ilin yanvar ayında həqiqi hərbi xidmətə çağırılıb. Həqiqi hərbi xidmət müddətini başa vurduqdan sonra Azərbaycan Respublikası Daxili İşlər Nazirliyinin Daxili Qoşunlarında müddətdən artıq hərbi xidmətə keçib. Bərdə, Şəki, Qəbələ, Zaqatalada xidmət edib.

27 sentyabr 2020-ci ildə başlayan Vətən müharibəsi zamanı Daxili Qoşunlarının “Qartal” adlanan xüsusi təyinatlı Zaqatala dəstəsinin tərkibində döyüşlərdə iştirak edib.

Şəhid olması

15 oktyabr 2020-ci il tarixdə – 32 yaşında, Füzuli istiqamətində gedən döyüşdə qəhrəmancasına həlak olub.

17 oktyabr 2020-ci il tarixdə Şəkidə Dovşan düzü qəbiristanlığının şəhidlər üçün ayrılmış hissəsində dəfn edilib.

Təltif və mükafatları

• 3-cü dərəcəli “Qüsursuz xidmətə görə” medalı;
• “Vətən uğrunda” medalı – ölümündən sonra (15.12.2020);
• “Füzulinin azad olunmasına görə” medalı – ölümündən sonra (25.12.2020).

Ailəsi

Ailədə bir bacı, bir qardaş olublar.

Ailəli idi. Şəhid olarkən 8 yaşlı qızı və 5 yaşlı oğlu vardı.

Ədəbiyyat

1. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
2. Azərbaycan Respublikası Silahlı Qüvvələrinin hərbi qulluqçularının “Füzulinin azad olunmasına görə” medalı ilə təltif edilməsi haqqında Azərbaycan Respublikası Prezidentinin Sərəncamı (azərb.). https://mod.gov.az/. Azərbaycan Müdafiə Nazirliyi (25 DEKABR 2020). Arxivləşdirilib (15 yanvar 2021).
3. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : ELÇİN Nadir oğlu Nadirov : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.

Video

• Həmçinin, bax: Şəkinin Vətən müharibəsi şəhidlərinin siyahısı