Eldar Əliyev

Eldar Əliyev
Əliyev Eldar Həsən oğlu
İlk adı	Elbert
Doğum tarixi	14 yanvar 1936(1936-01-14)
Doğum yeri	Bakı, Azərbaycan SSR ZSFSR, SSRİ
Vəfat tarixi	27 fevral 1984 (48 yaşında)
Vəfat yeri	Bakı, Azərbaycan SSR, SSRİ
Həyat yoldaşı	Tamara Əliyeva
Uşaqları	Leyla, Eldarə
Atası	Həsən Əliyev
Anası	Zabiyə
Təhsili	M.F.Axundov adına Rus dili və Ədəbiyyatı Pedaqoji İnstitutu ( – 1959) M.Əliyev adına Teatr İnstitutu, teatr rejissorluğu fakültəsi ( – 1966)
IMDb	ID 3107848

Eldar Əliyev (1936 – 1984) — kino aktyoru və teatr rejissoru. 1965 – 1982-ci illərdə çəkilmiş 10-dan çox filmdə rol oynamış, daha çox “Dəli Kür” filmindəki (1969) Rus Əhməd rolu ilə yadda qalmışdır. Həmçinin, 1966-cı ildən Səməd Vurğun adına Rus Dram Teatrınında rejissor kimi fəaliyyət göstərib.

Haqqında məlumatlar

14 yanvar 1936-cı il tarixdə Bakıda anadan olub.

Təhsili

1959-cu ildə M.F.Axundov adına Rus dili və Ədəbiyyatı Pedaqoji İnstitutunu,

1966-cı ildə M.Əliyev adına Teatr İnstitutunun teatr rejissorluğu fakültəsini bitirib.

Əmək və yaradıcılıq fəaliyyəti

1959-cu ildən Bakı şəhər 20 nömrəli orta məktəbində müəllim işləyib.

1966-cı ildən Səməd Vurğun adına Rus Dram Teatrının rejissoru olub. Ş.Qurbanov adına Musiqili Komediya Teatrında, Leninqrad Dövlət Musiqili Komediya Teatrında tamaşalara quruluş verib. Bolqar dramaturgiyası festivalında Panço Pançevin “Dörd əkizin nağılı” pyesinin Komissarjevskaya adına Leninqrad Dram Teatrının səhnəsində tamaşaya qoyulmasında iştirak edib.

Vəfatı

27 fevral 1984-cü il tarixdə – 48 yaşında, Bakıda vəfat edib.

Ailəsi

Atası: Həsən Əliyev – 1910-ci ildə Nuxada anadan olmuşdur. “Azərbaycanfilm” kinostudiyasının dublyaj redaksiyasında çalışıb. 1970-ci ildə Bakıda vəfat edib.

Anası: Zabiyə.

Həyat yoldaşı: Tamara Əliyeva – pedaqoq, M.F.Axundov adına Rus dili və Ədəbiyyatı Pedaqoji İnstitutunda müəllim işləyib.

Uşaqları: Leyla və Eldarə.

Qardaşı qızı: Dinarə Əliyeva – Böyük teatrın (Moskva, Rusiya federasiyası) solistidir.

Filmoqrafiya

1. Yenilməz batalyon (film, 1965) (həbsxanadan qaçan).
2. Sən niyə susursan? (film, 1966) (müfəttiş).
3. Mən ki gözəl deyildim (film, 1968) (Çingiz).
4. Dəli Kür (film, 1969) (Rus Əhməd).
5. “Eto sladkoye slovo - svoboda!” (film, 1972) (leytenant Kurilyov).
6. 1001-ci qastrol (tammetrajlı bədii film, 1974) (kinorejissor).
7. “Mezozoy əhvalatı” (film, 1976) (Arif).
8. Qız qalası əfsanəsi (film, 1978).
9. Toral və Zəri (film, 1979).
10. Gümüşü furqon (film, 1982).

İstifadə edilmiş əsas mənbələr

• Samirə (5 mart 2009). "Məşhur filmin haqqında az danışılan aktyoru". http://www.anl.az/ (azərb.). “Həftə içi” qəzeti. 19 Dec 2020 tarixində arxivləşdirilib.