Elgin Həbibullayev

Elgin Həbibullayev — Bakı şəhəri Nərimanov rayon icra hakimiyyətinin başçısı.

Elgin Həbibullayev
Həbibullayev Elgin Şirin oğlu
Elgin Həbibullayev.
Anadan olub	7 aprel 1977 (1977-04-07)
Anadan olduğu yer	Şəki, Azərbaycan SSR, SSRİ
Vətəndaşlıq	SSRİ→ Azərbaycan
Təhsili	Azərbaycan Dövlət İqtisad Universiteti, maliyyə kredit fakültəsi
Mükafatları

Haqqında məlumatlar

7 aprel 1977-ci il tarixdə Şəkidə anadan olub.

Təhsili

1984 – 1992-ci illərdə Şəki şəhər 8 saylı beynəlmiləl orta məktəbində,

1992 – 1994-cü illərdə Şəki şəhər 20 saylı orta məktəbində,

1994-cü ildən, əvvəl Azərbaycan Dövlət İqtisad Universitetinin maliyyə kredit fakültəsində, sonralar isə Harvard Biznes Məktəbində (idarəetmə proqramı üzrə) təhsil alıb.

Əmək fəaliyyəti

2000-ci illərin əvvəllərində Bakı şəhərinin Nizami rayon icra hakimiyyətində şöbə müdiri,

2003 – 2011-ci illərdə Gəncə şəhər icra hakimiyyəti başçısının köməkçisi, sonra aparat rəhbəri,

2011-ci ildən Sumqayıt şəhər icra hakimiyyəti başçısının müavini,

20 sentyabr 2018-ci il tarixdən isə Bakı şəhər icra hakimiyyəti aparatının rəhbəri vəzifəsində çalışıb.

18 fevral 2022-ci il tarixdən Bakı şəhəri Nərimanov rayon icra hakimiyyətinin başçısıdır.

Təltif və mükafatları

“Dövlət qulluğunda fərqlənməyə görə” medalı (22.06.2019).

Ailəsi

Atası: Şirin Həbibullayev 2015-ci ildən Şəki Bələdiyyəsi sədrinin müavini vəzifəsində çalışmışdır.

Qardaşı: Elmir Həbibullayev Azərbaycan Beynəlxalq Bankının İdarə Heyəti sədrinin müavinidir.

Ədəbiyyat

1. Nərimanov rayonunun yeni icra başçısı kimdir? : [arx. 25.11.2022] // Yeniavaz. — 2022. — 18 fevral. — Müraciət tarixi: 25.11.2022.
2. Prezidentin yüksək vəzifəyə təyin etdiyi Elgin Həbibullayev kimdir? : [arx. 03.10.2022] // Müsavat. — 2022. — 18 fevral. — Müraciət tarixi: 25.11.2022.