Elmar Allahverdiyev

Elmar Allahverdiyev
Allahverdiyev Elmar Saleh oğlu
Elmar Allahverdiyev “Baku Post” saytının əməkdaşına müsahibə verərkən (08.12.2021).
Doğum tarixi	4 oktyabr 1986 (1986-10-04)
Doğum yeri	Cəfərabad, Şəki rayonu, Azərbaycan SSR, SSRİ
Vətəndaşlıq	SSRİ→ Azərbaycan
Mənsubiyyəti	Azərbaycan Ordusu
Təhsili	• Cəmşid Naxçıvanski adına hərbi lisey (2002–2005)  • Heydər Əliyev adına Azərbaycan Ali Hərbi Məktəbi (2005–2009)
Hərbi fəaliyyəti
Xidmət illəri	2002 – 2017; 2020
Rütbə	kapitan
Təltifləri	Şablon:"Qüsursuz xidmətə görə" 3-cü dərəcəli medalı

Elmar Allahverdiyev — Azərbaycan Silahlı Qüvvələrinin istefada olan kapitanı, 2016-cı il Aprel döyüşləri və 2020-ci il Vətən müharibəsi iştirakçısı.

Haqqında məlumatlar

4 noyabr 1986-cı il tarixdə Şəki rayonunun Cəfərabad kəndində anadan olub.

Təhsili

2002 – 2005-ci illərdə Cəmşid Naxçıvanski adına Hərbi Liseydə,

2005 – 2009-cu illərdə Heydər Əliyev adına Azərbaycan Ali Hərbi Məktəbində motoatıcı ixtisası üzrə təhsil alıb. 2010-cu ildə Azərbaycan Silahlı Qüvvələrinin Təlim Tədris Mərkəzində zabit, 2010-2011-ci illərdə isə Silahlı Qüvvəllərin təlim-tədris mərkəzində kəşfiyyat kurslarını uğurla bitirib.

2010-cu ildə Azərbaycan Ordusunun Təlim və Tədris Mərkəzində zabit kursunun,

2010 – 2011-ci illərdə isə kəşfiyyatçı kursunun müdavimi olub.

Hərbçi əmək fəaliyyəti

2010 – 2013-cü illərdə Hacı Zeynalabdin Tağıyev qəsəbəsindəki “N” saylı hərbi hissədə taqım komandiri,

2013 – 2016-cı illərdə Tərtər rayonundakı “N” saylı hərbi hissədə kəşfiyyat bölüyünün komandiri,

2016 – 2017-ci illərdə Goranboy rayonundakı “N” saylı hərbi hissədə kəşfiyyat bölüyünün komandiri olub.

2016-cı ildə Aprel döyüşlərində iştirak edib.

2017- ci ildə “Tərtər işi” zamanı həbs edilib. 10 ay həbsdə qaldıqdan sonra bəraət alıb.

2020-ci ilin oktyabr ayında könüllü olaraq yenidən ordu sıralarına qayıdıb. Kəşfiyyat bölüyünün komandiri vəzifəsində döyüşlərdə iştirak edib.

5 noyabr 2020-ci il tarixdə Daşaltı kəndi istiqamətində gedən döyüşdə yaralanıb.

Təltif və mükafatları

• Azərbaycan Respublikası Prezidentinin mükafatı – qol saatı (2016)

Ədəbiyyat

1. Günel Musa. “Hücuma keçəndə gördüm ki, aldadıblar, minalar təmizlənməyib” – kəşfiyyatçı döyüş sirlərini açır : [arx. 30.08.2022] // Baku Post. — 2021. — 8 dekabr. — Müraciət tarixi: 26.09.2022.