Elmir Umudlu

Elmir Umudlu (2001–2020) — Vətən müharibəsində şəhid olmuş Azərbaycan Silahlı Qüvvələrinin əsgəri.

Elmir Umudlu
Umudlu Elmir Pərviz oğlu
Elmir Umudlu.
Doğum tarixi	25 mart 2001(2001-03-25)
Doğum yeri	İnçə, Şəki rayonu, Azərbaycan
Vəfat tarixi	28 oktyabr 2020 (19 yaşında)
Vəfat yeri	Xocavənd, Azərbaycan
Dəfn yeri	İnçə–Zunud kəndlərinin qəbiristanlığı, Şəki rayonu, Azərbaycan
Vəfat səbəbi	döyüşdə şəhid olub
Vətəndaşlıq	Azərbaycan
Mənsubiyyəti	Azərbaycan Ordusu
Atası	Pərviz Umudova
Anası	Sənurə Umudova
Təhsili	Sumqayıt Dövlət Texniki Kolleci, nəqliyyat daşınmalarının təşkili fakültəsi (2018–2019, natamam)
Hərbi fəaliyyəti
Qoşun növü	Quru Qoşunları
Xidmət illəri	2019 – 2020
Rütbə	sıravi
Təltifləri

Haqqında məlumatlar

25 mart 2001-ci il tarixdə Şəki rayonunun İnçə kəndində anadan olub.

Təhsili

2007 – 2008-ci illərdə İnçə-Zunud kənd tam orta məktəbində,

2008 – 2015-ci illərdə Bakı şəhər orta məktəblərindən birində,

2015 – 2018-ci illərdə isə yenidən İnçə-Zunud kənd tam orta məktəbində təhsil alıb.

2018-ci ildə Sumqayıt Dövlət Universiteti nəzdində Sumqayıt Dövlət Texniki Kollecinin nəqliyyat daşınmalarının təşkili fakültəsinə qəbul olunub.

Hərbi xidmətdə

2019-cu ilin aprel ayında həqiqi hərbi xidmətə çağırılıb.

27 sentyabr 2020-ci ildə başlayan Vətən müharibəsi zamanı xidmət etdiyi hərbi hissənin tərkibində bir sıra döyüşlərdə, o cümlədən, Cəbrayıl şəhərinin, Füzuli və Xocavənd rayonlarının işğaldan azad edilməsi uğrunda döyüşlərdə iştirak edib. Yaralanıb, lakin az müddət sonra yenidən döyüşlərə qatılıb.

Şəhid olması

28 oktyabr 2020-ci il tarixdə – 19 yaşında, Xocavənd rayonunda gedən döyüşdə qəhrəmancasına həlak olub.

31 oktyabr 2020-ci il tarixdə Zunud kənd qəbiristanlığında dəfn edilib.

Təltif və mükafatları

• “Vətən uğrunda” medalı – ölümündən sonra (15.12.2020);
• “Füzulinin azad olunmasına görə” medalı – ölümündən sonra (25.12.2020);
• “Cəsur döyüşçü” medalı – ölümündən sonra (24.06.2021);
• “Xocavəndin azad olunmasına görə” medalı – ölümündən sonra (24.06.2021).

Ailəsi

Ailədə iki uşaq olublar. Subay idi.

Ədəbiyyat

1. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
2. Azərbaycan Respublikası Silahlı Qüvvələrinin hərbi qulluqçularının “Füzulinin azad olunmasına görə” medalı ilə təltif edilməsi haqqında Azərbaycan Respublikası Prezidentinin Sərəncamı (azərb.). https://mod.gov.az/. Azərbaycan Müdafiə Nazirliyi (25 DEKABR 2020). Arxivləşdirilib (15 yanvar 2021).
3. Azərbaycan Respublikası Prezidentinin Silahlı Qüvvələrin hərbi qulluqçularının “Cəsur döyüşçü” medalı ilə təltif edilməsi haqqında Sərəncamı : [arx. 24.06.2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 09.12.2021.
4. Azərbaycan Respublikası Prezidentinin Silahlı Qüvvələrin hərbi qulluqçularının “Xocavəndin azad olunmasına görə” medalı ilə təltif edilməsi haqqında Sərəncamı (azərb.). https://mod.gov.az/. Azərbaycan Müdafiə Nazirliyi (24 İYUN 2021). Arxivləşdirilib (27 iyun 2021).
5. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : ELMİR Pərviz oğlu Umudlu : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.

Video

• Həmçinin, bax: Şəkinin Vətən müharibəsi şəhidlərinin siyahısı