Hikmət Əbdülhəlimov

Hikmət Əbdülhəlimov
Hikmət Əbdülhəlimov
Hikmət Əbdülhəlimov
Doğum tarixi	17 iyul 1937 (1937-07-17)
Doğum yeri	SSRİ, Azərbaycan SSR, Nuxa
Vətəndaşlıq	SSRİ→ Azərbaycan
Milliyyəti	azərbaycanlı

Hikmət Əbdülhəlimov (Əbdülhəlimov Hikmət Əhməd oğlu; d.  17 iyun 1939, Nuxa, Azərbaycan SSR, SSRİ) — təqaüdçü, sabiq dövlət məmuru, Şəki Şəhər Komsomol Komitəsinin birinci katibi və bir sıra yüksək vəzifələrdə işləmişdir. “Şəkinin gülüş çələngi” (Bakı, 1987/1988), “Saa quzu kəsərəm” (Bakı, 1992), “Şəki lətifələri” (Bakı, 1994), Şəki gülməçələri (Bakı, 1998) adlı kitabçaları nəşr olunub. Eləcə də, Azərbaycan MEA Nizami adına Ədəbiyyat İnstitutunun buraxdığı “Azərbaycan folkloru antologiyası” çoxcildliyinin, “Şəki folkloru” kitabının toplayıcısı və tərtibçilərindən biridir. “Ədəbiyyat”, “Naxçıvan”, “Zarafat” və s. qəzetlərdə folklora dair materialları dərc edilib, respublika radiosunun “Xeyrə qənşər” xalq yaradıcılığı proqramında çıxışları olub.

Qısa tərcümeyi-halı

1939-cu ildə Nuxanda anadan olub.

1956-cı ildə 3 saylı baramaaçan fabrikində fəhləliyə başlayıb.

1958 – 1961-ci illərdə hərbi xidmətdə olub.

1962 – 1965-ci illərdə Şəki İpək Kombinatı Komsomol Komitəsinin katibi olub.

1965 – 1969-cu illərdə Bakı Ali Partiya Məktəbində təhsil alıb.

1969 – 1992-ci illərdə Şəki Şəhər Komsomol Komitəsinin birinci katibi, Şəki Şəhər Partiya Komitəsinin təbliğat, təşviqat və təşkilat şöbəsində müdiri, Şəki Şəhər İcra Hakimiyyəti aparatında ümumi şöbənin rəisi vəzifələrində işləyib.

Daha sonra Bakı Telefon Rabitəsi İstehsal Birliyinin kadrlar şöbəsinin rəisi vəzifəsində çalışıb.

Mükafatları

• “Qırmızı Əmək bayrağı” ordeni;
• “Şərəf nişanı” ordeni;
• “Rəşadətli əməyə görə” medalı.

Mənbə

• Ələşrəf Məmmədov, Fikrət Xalıqov. Şəki (alim və ziyalılar), Bakı 2002. Səh. 108-109.