Mustafa ağa Şəkixanov
Mustafa ağa Şəkixanov – Şəki xanları nəslinin davamçısı; “Şəki tarixi” adlı bir tarix əsərini[1] və atası Kərim ağa Şəkixanovun tərcümeyi-halını qələmə almışdır[2]. “Şuxi” təxəllüsü ilə şeirlər də yazırdı. AMEA Məhəmməd Füzuli adına Əlyazmalar İnstitutunda mühafizə edilən iki avtoqraf əlyazması əsasında 2011-ci ildə “Divan”ı çap olunub.
| Mustafa ağa Şəkixanov | |
|---|---|
| Şəkixanov Mustafa ağa Kərim ağa oğlu | |
| Mustafa ağa Şəkixanov | |
| Mustafa ağa Şəkixanov | |
| Təxəllüsü | Şuxi |
| Doğum tarixi | 1831 |
| Vəfatı | 5 noyabr 1895 (64 yaşında) |
| Vəfat yeri |
Qaraqosı, Nuxa qəzası, Yelizavetpol quberniyası,  Rusiya İmperiyası |
| Dəfn yeri |
Xan qəbiristanlığı, Nuxa, Nuxa qəzası, Yelizavetpol quberniyası, Rusiya İmperiyası |
| Atası | Kərim ağa Şəkixanov |
Həyatı
1831-ci ildə Nuxada anadan olub[3].
1853 – 1857-ci illərdə Nuxada kanvoy[4] vəzifəsində çalışıb.
1857 – 1861-ci illərdə Sankt-Peterburqa girov aparılıb. Orada hərbi təhsil alıb və karnet[5] hərbi rütbəsinə yiyələnib.
1861-ci ildə girovluqdan azad edilib və Nuxaya qayıdıb.
1861 – 1866-cı illərdə Nuxada barışdırıcı hakimin köməkçisi vəzifəsində işləyib.
1866 – 1895-ci illər arasında Nuxa qəzasındakı özünə məxsus Qaraqosı kəndində yaşayıb[6].
5 noyabr 1995-ci ildə Qaraqosı kəndində vəfat edib. Cənazəsi Nuxaya gətirilmiş, Xan qəbiristanlığında dəfn olunmuşdur.
İstinadlar və qeydlər
- ↑ Müəllifi olduğu “Şəki tarixi” adlı əsərdən cəmi bir neçə cümləlik kiçik bir hissə 1902-ci ildə çap olunub; əsərin özü isə itmiş hesab olunur(Məmmədov A.S., 2009, s. 4).
- ↑ Tahirzadə Ə.Ş., 2005, s. 88 –93.
- ↑ Məmmədov A.S., 2009, s. 4.
- ↑ Rusiya İmperiyasında məhbusları qoruyan və müşayiət edən hərbiçi.
- ↑ Süvari qoşunda bölük (rota) bayrağını aparan kiçik zabit.
- ↑ Tahirzadə Ə.Ş., 2005, p. 10.
Həmçinin bax
Ədəbiyyat
- Tahirzadə Ə.Ş. Şəkinin tarixi qaynaqlarda. — Bakı: “Master” nəşriyyatı, 2005.
- Məmmədov A.S. Ədalət Tahirzadənin “Şəkinin tarixi qaynaqlarda” kitabı (azərb.) : “İpəkçi” qəzetinin saytı. — 2006.