Məmməd Çələbiyev

Məmməd Çələbiyev
Çələbiyev Məmməd Musa oğlu
Məmməd Çələbiyev, 1970
Təxəllüsü	Şəkili
Doğum tarixi	1 aprel 1923(1923-04-01)
Doğum yeri	İnçə, Nuxa qəzası, Azərbaycan SSR, ZSFSR
Vəfatı	3 avqust 1987 (64 yaşında)
Vəfat yeri	Şəki, Azərbaycan SSR, SSRİ

Məmməd Çələbiyev (Çələbiyev Məmməd Musa oğlu; d.  1 aprel 1923-cü il, Nuxa, Nuxa qəzası, Azərbaycan SSR, ZSFSR – ö.  3 avqust 1987-ci il, Şəki, Azərbaycan SSR, SSRİ) - azərbaycanlı yazıçı, 4 bədii kitabın müəllifidir, qələmə aldığı dram əsərləri Şəki Dövlət Dram Teatrının səhnəsində tamaşaya qoyulmuşdur.

Haqqında məlumatlar

1923-cü ildə nuxa qəzasının inçə kəndində anadan olub.

1930 – 1937-ci illərdə İnçə kənd məktəbində,

1937 – 1940-cı illərdə Nuxa Pedaqoji texnikumunda təhsil alıb.

1940-cı ilin 8 martından Nuxa rayonunun Aşağı Şabalıd kənd məktəbində müəllim kimi əmək fəaliyyətinə başlayıb.

1941-ci ilin 22 dekabrında Sovet Ordusu sıralarına çağırılıb.

Stalino, Mateyevka, Cənubi Ukrayna cəbhələrində vuruşub, 1942-ci ildə ağır yaralanəb və ordudan təxris olunub.

1943 – 1961-ci illərdə İnçə-Zunud 7 illik kənd məktəbində müəllim, direktor müavini və direktor işləyib.

1952 – 1956-cı illərdə Azərbaycan Dövlət Pedaqoji İnstitutuniun azərbaycan dili və ədəbiyyatı fakültəsində qiyabi təhsil alıb.

1961 – 1972-ci illərdə “Şəki fəhləsi” qəzetinin redaksiyasında şöbə müdiri və məsul redaktor,

1972 – 1974 -ci illərdə Şəki Pedaqoji Texnikumunda dil və ədəbiyyat müəllimi işləyib.

1971-ci ilin noyabrından ömrünün sonuna – 1987 ci ilin avqust ayının 3-ə qədər Şəki Musiqi Texnikumunda müəllim işləyib.

Yaradıcılığı

1956-ci ildən ədəbi yaradıcılığa başlayıb. Hekayələri respublika qəzet və jurnallarında, Şəkidə çıxan qəzetlərdə çap olunub. “Qızlar bəzək sevir” povesti “Azərbaycan” jurnalında (1965, №5-6) dərc olunub. “Təmkin” povesti həm “Azərbaycan” jurnalında (1971, №3) və həm də ayrıca kitab kimi "Yazıçı" nəşriyyatında (1983) çap olunub. Qələmə aldığı dram əsərlərindən üçü Şəki Dövlət Dram Teatrının səhnəsində tamaşaya qoyulub: “Hökm” (1981), “Fədai” (1983), Yaşıl işıq (1985).

Kitabları

• Təmkin – “Yazıçı” nəşriyyatı, 1983;
• Bir yay günü – “Yazıçı” nəşriyyatı, 1987;
• Zoğal ağacları – “Mütərcim” nəşriyyatı, 1998;
• Haronnaya gəlin gəlir – “Mütərcim” nəşriyyatı, 1998.

İstifadə edilmiş mənbə

• Məmmədov Ə., Xalıqov F. Çələbiyev Məmməd // Şəki: Alim və ziyalılar. — Bakı. — 2 cilddə. — Səh.: 101.