Nüşabə Ələsgərli
Nüşabə Ələsgərli — müğənni və aktrisa, musiqişünas və pedaqoq, sənətşünaslıq üzrə fəlsəfə doktoru, Azərbaycan Respublikasının əməkdar artisti.
| Nüşabə Hümmətova | |
|---|---|
| Hümmətova Nüşabə Ələsgər qızı | |
| Nüşabə Hümmətova | |
| Nüşabə Ələsgərli | |
| Şəxsi məlumatlar | |
| Doğum tarixi | 21 dekabr 1967 |
| Doğum yeri |
Nuxa, Nuxa rayonu, .svg){kind=small} Azərbaycan SSR,  SSRİ |
| Vətəndaşlığı |
SSRİ→ Azərbaycan |
| Peşələri | müğənni, aktrisa |
|
|
|
| Təhsili | Üzeyir Hacıbəyov adına Azərbaycan Dövlət Konservatoriyası |
| Mükafatları |
 |
 Commonsda da Nüşabə Hümmətova ilə əlaqəli mediafayllar var |
|
Haqqında məlumatlar
21 dekabr 1967-ci il tarixdə Nuxada anadan olub. Ailəsi Nuxa rayonunun Baş Göynük kəndindən idi. 1976-cı ildə Sumqayıta köçüblər.
Təhsili
1974 – 1976-cı illərdə Şəkidə,
1976 – 1982-cü illərdə Sumqayıt şəhər 26 №-li orta məktəbində oxuyub.
1971 – 1982-ci illərdə Sumqayıt şəhər 3 №-li musiqi məktəbinin fortepiano sinifində,
1982 – 1986-cı illərdə Soltan Hacıbəyov adına Musiqi Texnikumunun xor dirijorluğu şöbəsində təhsil alıb.
1986-cı ildə Üzeyir Hacıbəyov adına Azərbaycan Dövlət Konservatoriyasının xor dirijorluğu fakültəsinə daxil olub.
Əmək və yaradıcı fəaliyyəti
1990 – 1995-ci illərdə Azərbaycan Dövlət Mahnı və Rəqs Ansamblının xor kollektivində işləyib. Ansamblında işləyərkən eyni zamanda solo ifaçılıq karyerasına başlayıb. İlk dəfə 1994-cü ildə AzTv-nin Gənclik redaksiyasının çəkdiyi “Yeni il” gecəsində Cahangir Cahangirovun “Ay qız” mahnısı ilə solo olaraq efirə çıxmışdır.
1998-ci ildən Azərbaycan Teleradio şirkətində solist olaraq işləməyə başlayıb. Televiziyada çalışdığı dövrdə bir çox verilişlərdə, bayram proqramlarında, tamaşalarda çıxış edib.
2011-ci ildən Azərbaycan Dövlət Mədəniyyət və İncəsənət Universitetində pedaqoq kimi fəaliyyətə başlayıb.
Hal-hazırda (2020) Azərbaycan Dövlət Mədəniyyət və İncəsənət Universitetində baş müəllim vəzifəsində çalışır.
Elmi fəaliyyəti
2018-ci ildə “Şəfiqə Axundova yaradıcılığının üslub xüsusiyyətləri” adlı dissertasiyasını müdafiə edib və sənətşünaslıq üzrə fəlsəfə doktoru elmi dərəcəsini almışdır.[1].
Təltif və mükafatları
- “Azərbaycan Respublikasının əməkdar artisti” adı — 10 dekabr 2013[2]
Ailəsi
1995-ci ildə ailə qurub. İki övladı var[3].
Filmoqrafiya
- “Qayınana” əməliyyatı (film, 1999).
- Yanmış körpülər (film, 2007).
- Yol yoldaşları (film, 2003).
- Adam ol! 2 (film, 2006) (tammetrajlı bədii film, rol: Nüşabə).
İstinadlar
- ↑ "Nüşabə Ələsgərli fəlsəfə üzrə elmlər doktoru oldu". manevr.az. 30 aprel 2018. 9 sentyabr 2020 tarixində arxivləşdirilib. İstifadə tarixi: 9 sentyabr 2020.
- ↑ "Azərbaycan Dövlət Mədəniyyət və İncəsənət Universitetinin əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı". prezident.az. 10 dekabr 2013. 9 sentyabr 2020 tarixində arxivləşdirilib. İstifadə tarixi: 9 sentyabr 2020.
- ↑ "Bu gün Azərbaycan Respublikasının əməkdar artisti, müğənni, gözəl və mehriban xanım Nüşabə Ələsgərlinin doğum günüdür". incesenet.az. 9 sentyabr 2020 tarixində arxivləşdirilib. İstifadə tarixi: 9 sentyabr 2020.