Nasir Mustafazadə

Nasir Mustafazadə — Azərbaycan Respublikasının əməkdar mühəndisi, “Azəri Servis LTD” MMC-nin direktoru.

Nasir Mustafazadə
Mustafazadə Nasir Nadir oğlu
Nasir Mustafazadə.
Doğum tarixi	10 may 1958 (1958-05-10)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
Peşəsi	“Azəri Servis LTD” Məhdud Məsuliyyətli Cəmiyyətinin direktoru
Milliyyəti	azərbaycanlı
İxtisası	iqtisadçı-mühəndis
Təhsili	Azərbaycan İnşaat Mühəndisləri İnstitutu
Mükafatları
Adının digər versiyaları	Nasir Mustafazade, Насир Мустафазаде, Насир Мустафазадә

Haqqında məlumatlar

10 may 1958-ci il tarixdə Nuxada (indiki Şəki) anadan olub.

Təhsili

1975-ci ildə Şəki şəhər 12 №-li orta məktəbini bitirib.

1975 – 1980-ci ildə Azərbaycan İnşaat Mühəndisləri İnstitutunda təhsil alıb.

Hərbi xidmətdə

1981 – 1982-ci illərdə Sovet Ordusu sıralarında hərbi xidmətdə olub.

Əmək fəaliyyəti

1980-ci ildə Baş Kolxozlararası Tikinti İdarəsinin Şəkidəki 7 nömrəli tikinti trestində əmək fəaliyyətinə başlayıb.

1983 – 1987-ci illərdə Şəkidə yenicə yaranmış Könüllü Yanğından Mühafizə Cəmiyyətinin sədri,

1987 – 1988-ci illərdə isə Şəki şəhər Abadlıq Kombinatının direktoru vəzifəsində çalışıb.

1988-ci ildə seçki yolu ilə Şəki Kommunal Təsərrüfatı Birliyinin baş direktoru seçilib.

1991 – 2004-cü illərdə “Azərkəndsutəchizatı” Dövlət Konserninin 16 nömrəli Mexanikləşdirilmiş Səyyar Dəstəsinin rəisi olub.

2000-ci ildə “Azəri Servis LTD” Məhdud Məsuliyyətli Cəmiyyətini təsis edib və həmin vaxtdan bu şirkətin rəhbəridir.

İctimai-siyasi fəaliyyəti

Yeni Azərbaycan Partiyasının üzvüdür.

Təltif və mükafatları

• “Tərəqqi” medalı (10 aprel 2014);
• “Azərbaycan Respublikasının əməkdar mühəndisi” fəxri adı (10 aprel 2017).

Ailəsi

Ailəlidir, üç övladı, üç nəvəsi var.