Rəhim Mədətov

Rəhim Mədətov
Mədətov Rəhim Səlim oğlu
Rəhim Mədətov
Doğum tarixi	5 sentyabr 1949 (1949-09-05)
Doğum yeri	Nuxa, Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	Fizika-riyaziyyat
İş yeri	Azərbaycan MEA-nın Radiasiya Problemləri İnstitutu, Yarımkeçiricilərin radiasiya fizikası laboratoriyasının müdiri
Elmi dərəcəsi	fizika-riyaziyyat elmləri doktoru
Elmi adı	professor
Təhsili	Bakı Dövlət Universiteti

Rəhim Mədətov — fizika-riyaziyyat elmləri doktoru, Azərbaycan Milli Aviasiya Akademiyanın fizika kafedrasinin professoru, Azərbaycan MEA-nın Radiasiya Problemləri İnstitutu Yarımkeçiricilərin radiasiya fizikası laboratoriyasının müdiri, Azərbaycan Respublikası Prezidenti Yanında Ali Attestasiya Komitəsində Ekspert şurasının üzvü.

Həyat və fəaliyyəti

5 sentyabr 1949-cu il tarixdə Nuxada anadan olub.

Təhsili

1956 – 1966-cı illərdə Nuxa şəhər 2 №-li orta məktəbində,

1966 – 1971-ci illərdə Azərbaycan Dövlət Universitetinin (BDU) fizika fakültəsində təhsil alıb.

Əmək fəaliyyəti

1971-ci ildə ali təhsilini tamamladıqdan sonra iki il Dəvəçi rayonunda fizika müəllimi işləyib.

1973-cü ildən Azərbaycan Milli Elmlər Akademiyasına elmi fəaliyyətə keçsə də pedoqoji fəaliyyətini davam etdirib.

Azərbaycan Milli Aviasiya Akademiyasının Fizika kafedrasında professor vəzifəsində pedaqoji fəaliyyətini davam etdirir (2020).

Elmi fəaliyyəti

1973-cü ildən Azərbaycan SSR Elmlər Akademiyasının Fizika İnstitutunda kiçik elmi işçi kimi elmi fəaliyyətə başlayıb.

1977-ci ildə Azərbaycan SSR EA-nın Rəyasət Heyətinin qərarı ilə Fizika İnstitutun radiasiya tədqiqatları sektoruna kiçik elmi işçi vəzifəsinə keçirilib.

1981-ci ildə “Ge-Si bərk məhlulu əsasında hazırlanmış fotodiodların fotoelektrik xassələri” mövzusunda namizədlik dissertasiyasını müvəffəqiyyətlə müdafiə edib.

1983-cü ildə baş elmi işçi vəzifəsinə keçirilib.

1992-ci ildə “Ge-Si bərk məhlulu əsasında hazırlanmış p-n keçidlərdə fotovoltaik və radiasiya effektləri” mövzusunda doktorluq dissertasiya işini müdafiə edir və Elmi Şuranın qərarına əsasən aparıcı elmi işçi vəzifəsinə təyin edilir. 1994-cü ildə Yarımkeçiricilərin radiasiya fizikası laboratoriyasına rəhbər təyin olunub və hal-hazırda qeyd edilən vəzifəni icra edir.

• Çapdan çıxmış elmi əsərlərin ümumi sayı: 120;

  - xaricdə çıxmış elmi əsərlərin sayı: 72;

  - beynəlxalq bazalarda referatlaşdırılan və indeksləşdirilən jurnallarda çap olunan məqalələrin sayı: 45.

• Müəlliflik şəhadətnamələrinin və patentlərin sayı: 17.
• Kadr hazırlığı:

  - fəlsəfə doktorlarının sayı: 10;

  - elmlər doktorlarının sayı: 9.

İctimai fəaliyyəti

Rəhim Mədətov AMEA Radiasiya Problemləri İnstitutunun Elmi Şurasının və Həmkarlar Təşkilatının İdarə Heyətinin, Azərbaycan Respublikası Prezidenti Yanında Ali Attestasiya Komitəsində Ekspert şurasının üzvüdür.

Təltif və mükafatları

AMEA-nın fəxri fərmanları – AMEA-nın ictimai həyatında fəal iştirak etdiyinə, elmi yaradıcılığında əldə etdiyi nəticələrin elmi və praktiki əhəmiyyətinə görə.

Digər

2004 – 2008-ci illər ərzində Naxçıvan və Bakı türk liseyləri şagirdlərinin Beynəlxalq Ekoloji Elmi Layihə olimpiadalarına hazırlamış və onlar Bosniyada-2 qızıl (2006), İstanbulda-1 bürünc (2006), Bosniyada-1 gümüş (2005) və Braziliyada-1 bürünc (2005) medallara layiq görülmüşlər.

Ədəbiyyat

1. Məmmədov Ə., Xalıqov F. Mədətov Rəhim // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 364 – 365. — 1.000 nüsx.
2. Radiasiya Problemləri İnstitutu//Elmlər doktorları;
3. Институт Радиационных Проблем НАНА/;
4. Azərbaycan Milli Elmlər Akademiyası/Yarımkeçiricilərin radiasiya fizikası laboratoriyası;
5. Azərbaycan Milli Elmlər Akademiyası/Radiasiya Problemləri İnstitutunun elmlər doktorları/Mədətov Rəhim Səlim oğlu.

Şablon:Yaxşı məqalə