Sahib Əliyev

Sahib Əliyev
Doğum tarixi	16 mart 1962 (1962-03-16)
Doğum yeri	SSRİ Azərbaycan SSR, Nuxa
Vətəndaşlıq	SSRİ→ Azərbaycan
Hərbi fəaliyyəti
Rütbə	polkovnik-leytenant
İstefada	2015
Təltifləri	Şablon:"Azərbaycan Respublikası Silahlı Qüvvələrinin 90 illiyi (1918-2008)"Şablon:"Azərbaycan Silahlı Qüvvələrinin 95 illiyi (1918-2013))" Şablon:"Azərbaycan Ordusunun 100 illiyi (1918-2018)"

Sahib Əliyev (Sahib Məmməd oğlu Əliyev; d.  16 mart 1962, Nuxa, Azərbaycan SSR, SSRİ) — Azərbaycan Silahlı Qüvvələrinin istefada olan polkovnik-leytenantı.

Haqqında məlumatlar

1962-ci ildə Nuxada anadan olub.

1969 – 1979-cu illərdə Şəki şəhərindəki 10 saylı məktəbdə oxuyub.

1979 – 1984-cü illərdə Azərbaycan Politexnik İnstitutunda mühəndis-mexanik ixtisası üzrə təhsil alıb; institutu fərqlənmə diplomu ilə və leytenant hərbi rütbəsi bitirib.

1984 – 1986-ci illərdə təyinat ilə Xəzərdənizneft Xüsusi texniki vasitəli dəniz kəşfiyyat qazma idarəsinin “Şelf-2” qazma qurğusunda mexanik, böyük mexanik vəzifələrində işləyib.

1986 – 1988-ci illərdə Orta Asia Hərbi Dairəsində hərbi xidmətdə olub; hərbi xidmətdən baş leytenant rütbəsi ilə tərxis olunub.

1988 – 1992-ci illərdə OADKYC (DOSAAF) 2 saylı Bakı Birləşmiş Texniki məktəbində işləyib.

1992-ci ildə Azərbaycan Respublikasının Müdafiə Nazirliyinə müraciət edərək hərbi xidmətə keçmək istəyini bildirir. Onun müraciəti müsbət qarşılanır və Müdafiə Nazirliyinin Tank və Zirehli Texnika Xidmətinin baş zabiti vəzifəsinə təyin olunur. Ağdam, Qubadlı, Zəngilan, Ağdərə, Füzuli, Cəbrayıl rayonlarında baş vermiş döyüşlərdə tankçı zabit kimi iştirak edir.

2015-ci ildə Azərbaycan Respublikasının Silahlı Qüvvələrindən tərxis olunsa da, əmək fəaliyyətini Azərbaycan Respublikasının Müdafiə Sənayesi nazirliyində davam etdirməkdədir.

Müharibə və Azərbaycan Respublikası Silahlı Qüvvələrinin veteranıdır.

Ailəlidir, iki oğlu var.

Mükafatları

1. "SSRİ Silahlı Qüvvələrinin 70 illiyi" yubiley medalı – 23.02.1988 ;
2. "Azərbaycan Silahlı Qüvvələrinin 10 illiyi (1991-2001)" yubiley medalı – 26.06.2003;
3. "Qüsursuz xidmətə görə" III dərəcəli medalı – 26.06.2003;
4. "Qüsursuz xidmətə görə" II dərəcəli medalı – 26.06.2008;
5. "Azərbaycan Respublikası Silahlı Qüvvələrinin 90 illiyi (1918-2008)" yubiley medalı – 19.07.2008;
6. "Azərbaycan Silahlı Qüvvələrinin 95 illiyi (1918-2013))" yubiley medalı – 24.06.2013;
7. "Qüsursuz xidmətə görə" I dərəcəli medalı – 24.06.2013.
8. "Hərbi xidmətdə fərqlənməyə görə" III dərəcəli medalı – 24.06.2014;
9. "Azərbaycan Ordusunun 100 illiyi (1918-2018)" yubiley medalı – 26.06.2018;