Soltan Əzizov

Soltan Əzizov
Soltan Əzizov
	Əzizov Soltan Hümmət oğlu
	Soltan Əzizov
	— 1982
Şəxsi məlumatlar
Doğum tarixi	18 dekabr 1920
Doğum yeri	Qışlaq kəndi, Nuxa, Nuxa qəzası, Azərbaycan SSR
Vəfat tarixi	2009
Vəfat yeri	Bakı, Azərbaycan
Təltifləri

Soltan Əzizov (1920 – 2009) — Azərbaycan sovet partiya və dövlət xadimi. Nuxa şəhər, Ağdam və Sabirabad rayon partiya komitələrinin birinci katibi, Azərbaycan SSR Meyvə, Tərəvəz, Çay, Subtropik Bitkilər üzrə Dövlət Komitəsinin sədri, Azərbaycan SSR sovxozlar naziri və Azərbaycan SSR tədarük naziri vəzifələrində çalışıb.

Haqqında məlumatlar

18 dekabr 2010-ci il tarixdə Nuxa şəhərinin Qışlaq kəndində anadan olub.

Təhsili

Nuxa Kənd Təsərrüfatı texnikumunu bitirib.

1942-ci ildə sovet ordusunda siyasi rəhbər kursunda oxuyub.

1953 – 1956-cı illərdə Moskvada – Sov.İKP MK yanında Ali Partiya Məktəbində təhsil alıb.

Hərbi xidmətdə

1939 – 1946-cı illərdə sovet ordusunda hərbi xidmət edib. 1942-ci ildən 848 №-li alayın siyasi rəhbəri olub. Brest, Kursk, Oryol, Berlin və s. şəhərlər uğrunda döyüşlərdə iştirak edib, bölük komandirinin müavini olub, 2 orden və 6 medalla təltif olunub.

Əmək fəaliyyəti

1939-cu ilədək Nuxa rayonunun Böyük Dəhnə kəndindəki kolxozda MTS-də sahə aqronomu işləyib.

1946 – 1952-cü illərdə Azərbaycan KP Nuxa şəhər partiya komitəsində əvvəl hərbi şöbənin, sonra isə kənd təsərrüfatı şöbəsinin müdiri,

1952 – 1953-cü illərdə isə birinci katib vəzifəsində işləyib.

1956 – 1958-ci illərdə Azərbaycan KP MK-da birinci katibin köməkçisi,

1958 – 1959-cu illərdə isə şöbə müdiri olub.

1959 – 1962-ci illərdə Azərbaycan KP Ağdam rayon partiya komitəsinin,

1959 – 1966-ci illərdə isə Azərbaycan KP Sabirabad rayon partiya komitəsinin birinci katibi vəzifəsində çalışıb.

1966 – 1982-ci illərdə əvvəl Azərbaycan SSR Meyvə, Tərəvəz, Çay, Subtropik Bitkilər üzrə Dövlət Komitəsinin sədri, sonra isə Azərbaycan SSR sovxozlar naziri və Azərbaycan SSR tədarük naziri olub.

İctimai-siyasi fəaliyyəti

Bir neçə dəfə Azərbaycan SSR Ali Sovetinin deputatı və Azərbaycan KP MK-nın üzvü seçilib.

Təqaüdə çıxdıqdan sonra Azərbaycan Ağsaqqallar Şurasının üzvü və “Qayğı” cəmiyyəti sədrinin birinci müavini olub.

Mükafatları

Üç dəfə “Lenin” ordeni.
“Qırmızı Əmək Bayrağı” ordeni (SSRİ).
“Şərəf Nişanı” ordeni.
Medallar.
Azərbaycan SSR Ali Sovetinin Fəxri fərmanı.

Vəfatı

2009-cu ildə Bakıda vəfat edib

Xatirəsi

2015-ci ildə 95 illik yubileyi Şəki şəhər İH-nin akt zalında təntənə ilə qeyd olunmuşdur.

Ədəbiyyat

Vaqif Əhmədov (04 oktyabr 2019-cu il). "Görkəmli ictimaiyyətçi və qayğıkeş insan Soltan Əzizov" (PDF). http://veteran.gov.az/ (azərb.).

Mete Ə. Soltan Əzizov // O torpağın övladları. — Bakı: Nurlan, 2006. — Səhifələrin sayı: 608. — Səh.: 402 – 403. — 500 nüsx.
"Şəkidə tanınmış dövlət xadimi Soltan Əzizovun 95 illiyi qeyd olunub". https://azertag.az/ (azərb.). AZƏRTAC. 11.06.2015.
Mabudoğlu Z., Bəşirqızı U., Adışirinov K Şəkidə məhəllə adları, soyadlar və ləqəblər. — Bakı: Nafta-Press, 2009. — II kitab cild. — Səhifələrin sayı: 605. — Səh.: 387 – 393. — 500 nüsx.

Həmçinin, bax:

Azərbaycan KP Şəki şəhər partiya komitəsinin birinci katibləri.