Soltan Əzizov

Soltan Əzizov
Əzizov Soltan Hümmət oğlu
Soltan Əzizov
Azərbaycan SSR Meyvə, Tərəvəz, Çay, Subtropik Bitkilər üzrə Dövlət Komitəsinin sədri, Azərbaycan SSR sovxozlar naziri və Azərbaycan SSR tədarük naziri 1966 — 1982
Azərbaycan KP Sabirabad rayon komitəsinin birinci katibi 1962 — 1966
Azərbaycan KP Ağdam rayon komitəsinin birinci katibi 1959 — 1962
Sələfi	Hümbət Mustafayev
Xələfi	Tapdıq Mustafayev
Azərbaycan KP Nuxa şəhər komitəsinin birinci katibi 1952 — 1953
Sələfi	Hüseynqulu Tağızadə
Xələfi	Fərrux İsmayılov
Şəxsi məlumatlar
Doğum tarixi	18 dekabr 1920(1920-12-18)
Doğum yeri	Qışlaq kəndi, Nuxa, Nuxa qəzası, Azərbaycan SSR
Vəfat tarixi	17 yanvar 2009 (88 yaşında)
Vəfat yeri	Bakı, Azərbaycan
Təhsili	Nuxa Kənd Təsərrüfatı texnikumunu Sovet ordusunda siyasi rəhbər kursu (1942) Sov.İKP MK yanında Ali Partiya Məktəbi (Moskva, 1953 – 1956)
Mükafatları

Soltan Əzizov (1920 – 2009) — Azərbaycan sovet partiya və dövlət xadimi. Müxtəlif illərdə Nuxa şəhər, Ağdam və Sabirabad rayon partiya komitələrinin birinci katibi, Azərbaycan SSR Meyvə, Tərəvəz, Çay, Subtropik Bitkilər üzrə Dövlət Komitəsinin sədri, Azərbaycan SSR sovxozlar naziri və Azərbaycan SSR tədarük naziri vəzifələrində çalışıb.

Haqqında məlumatlar

18 dekabr 1920-ci il tarixdə Nuxa şəhərinin Qışlaq kəndində anadan olub.

Təhsili

Nuxa Kənd Təsərrüfatı texnikumunu bitirib.

1942-ci ildə sovet ordusunda siyasi rəhbər kursunda oxuyub.

1953 – 1956-cı illərdə Moskvada – Sov.İKP MK yanında Ali Partiya Məktəbində təhsil alıb.

Hərbi xidmətdə

1939 – 1946-cı illərdə sovet ordusunda hərbi xidmət edib. 1942-ci ildən 848 №-li alayın siyasi rəhbəri olub; Brest, Kursk, Oryol, Berlin və s. şəhərlər uğrunda döyüşlərdə iştirak edib, 6 orden və medallarla təltif olunub.

Əmək fəaliyyəti

1939-cu ilədək Nuxa rayonunun Böyük Dəhnə kəndindəki kolxozda Maşın-Traktor Stansiyasında sahə aqronomu işləyib.

1946 – 1952-cü illərdə Azərbaycan KP Nuxa şəhər partiya komitəsində əvvəl hərbi şöbənin, sonra isə kənd təsərrüfatı şöbəsinin müdiri,

1952 – 1953-cü illərdə isə birinci katib vəzifəsində çalışıb.

1956 – 1958-ci illərdə Azərbaycan KP MK-da birinci katibin köməkçisi,

1958 – 1959-cu illərdə isə şöbə müdiri olub.

1959 – 1962-ci illərdə Azərbaycan KP Ağdam rayon partiya komitəsinin,

1962 – 1966-ci illərdə isə Azərbaycan KP Sabirabad rayon partiya komitəsinin birinci katibi vəzifəsində işləyib.

1966 – 1982-ci illərdə əvvəl Azərbaycan SSR Meyvə, Tərəvəz, Çay, Subtropik Bitkilər üzrə Dövlət Komitəsinin sədri, sonra isə Azərbaycan SSR sovxozlar naziri və Azərbaycan SSR tədarük naziri olub.

İctimai-siyasi fəaliyyəti

Bir neçə dəfə Azərbaycan SSR Ali Sovetinə deputat və Azərbaycan KP MK-ə üzv seçilib.

Təqaüdə çıxdıqdan sonra Azərbaycan Ağsaqqallar Şurasının üzvü və “Qayğı” cəmiyyəti sədrinin birinci müavini olub.

Mükafatları

• “Qırmızı Ulduz” ordeni, 2 dəfə.
• II dərəcəli “Vətən Müharibəsi” ordeni.
• I dərəcəli “Vətən Müharibəsi” ordeni.
• “Lenin” ordeni.
• “Qırmızı Əmək Bayrağı” ordeni (SSRİ), 3 dəfə.
• “Şərəf Nişanı” ordeni.
• Medallar.
• Azərbaycan SSR Ali Sovetinin Fəxri fərmanı.

Vəfatı

17 yanvar 2009-cu il tarixdə – 88 yaşında, uzun sürən xəstəlikdən sonra Bakıda vəfat edib.

Xatirəsi

Şəki şəhərində küçələrdən birinə Soltan Əzizovun adı verilmişdir.

2015-ci ildə 95 illik yubileyi Şəki şəhər İH-nin akt zalında təntənə ilə qeyd olunmuşdur.

Ədəbiyyat

1. Mabudoğlu Z., Bəşirqızı U., Adışirinov K. Şəkidə məhəllə adları, soyadlar və ləqəblər. — Bakı: Nafta-Press, 2009. — II kitab  cild. — Səhifələrin sayı:  605. — Səh.: 387 – 393. — 500 nüsx.
2. Mete Ə. Soltan Əzizov // O torpağın övladları. — Bakı: Nurlan, 2006. — Səhifələrin sayı:  606. — Səh.: 402-403. — 500 nüsx.
3. Əhmədov V. Görkəmli ictimaiyyətçi və qayğıkeş insan Soltan Əzizov (azərb.) // Azərbaycan veteranı : qəzet. — Bakı, 4 oktyabr 2019. — № 17 (135). — Səh. 7.
4. "Şəkidə tanınmış dövlət xadimi Soltan Əzizovun 95 illiyi qeyd olunub". https://azertag.az/ (azərb.). AZƏRTAC. 11.06.2015.

Həmçinin, bax:

Azərbaycan KP Şəki şəhər partiya komitəsinin birinci katibləri.