Soltan Abdullayev
| Soltan Abdullayev | |
|---|---|
| Abdullayev Soltan Məmməd oğlu | |
 | |
| Soltan Abdullayev, 1980-cı il | |
| Doğum tarixi | 15 fevral 1930 |
| Doğum yeri |
Nuxa, .svg){kind=small} Azərbaycan SSR,  ZSFSR,  SSRİ |
| Vəfat tarixi | 20 iyun 2002 (72 yaşında) |
| Vəfat yeri | Şəki, Azərbaycan Respublikası |
| Həyat yoldaşı | Binyət Abdullayeva |
| Vətəndaşlıq |
SSRİ→ Azərbaycan |
| Təhsili |
|
| Mükafatları |
 |
Soltan Abdullayev ( Abdullayev Soltan Məmməd oğlu; d. 15 fevral 1930-cu il, Nuxa, Azərbaycan SSR, ZSFSR, SSRİ – ö. 20 iyun 2002-ci il, Şəki, Azərbaycan Respublikası) – dövlət və partiya məmuru, Azərbaycan KP Şəki Şəhər Komitəsinin katibi (1970 – 1973) və bir sıra digər məsul partiya, dövlət, həmkarlar və təsərrüfat vəzifələrində işləmişdir.
Haqqında məlumatlar
1930-cu ildə Nuxada anadan olub.
Nuxa 12 №li orta məktəbdə oxuyub.
1946 – 1949-cu illərdə Nuxa Kənd Təsərrüfatı Texnikumunda təhsil alıb.
1949-cu ildə Nizami adına kolxozda (Bideyiz kəndində) aqronom kimi əmək fəaliyyətinə başlayıb.
1950 – 1955-ci illərdə S.Ağamalıoğlu adına Kirovabad Kənd Təsərrüfatı İnstitutunda (indiki Azərbaycan Dövlət Aqrar Universitetində) təhsil alıb.
1955 – 1963-cü illərdə S.M.Kirov adına Qışlaq kolxozunda Kənd təsərrüfatı Nazirliyinin toxumçu aqronomu, baş aqronom, Daşüz camışçılıq sovxozunda baş aqronom, rayon aqrokimya laboratoriyasının müdiri, Nuxa və Vartaşen rayon Kolxoz-sovxoz Məhəlli İstehsalat İdarəsində baş aqronom və təşkilatçı müfəttiş, Nuxa Şəhər Partiya Komitəsində təlimatçı vəzifələrində çalışıb.
1958-ci ildə Moskva şəhərində SSRİ Xalq Təsərrüfatı Nailiyyətləri sərgisinin iştirakçısı olub.
1963 – 1965-ci illərdə Bakı Ali Partiya Məktəbinin(az) dinləyicisi olub.
1965 – 1968-ci illərdə Nuxa/Şəki Şəhər Partiya Komitəsində kənd təsərrüfatı şöbəsinin müdiri,
1968 – 1970-ci illərdə Şəki rayon XDS İcraiyyə Komitəsi sədrinin müavini vəzifələrində işləyib.
1970 – 1973-cü illərdə Azərbaycan KP Şəki Şəhər Komitəsinin katibi,
1974 – 1976-cı illərdə Şəki Şəhər Həmkarlar İttifaqları Şurasının sədri,
1976 – 1985-ci illərdə Şəki rayon XDS İcraiyyə Komitəsində təşkilat şöbəsinin müdiri,
1985 – 1992-ci illərdə Şəki rayon Bitki Mühafizəsi Stansiyasının rəisi olub.
1992-ci ildə təqaüdə çıxdıqdan sonra Şəki İpəkçilik İdarəsində aqronom işləyib.
2002-ci ildə Şəkidə vəfat edib.
İctimai fəaliyyyəti
- Müxtəlif illərdə Nuxa/Şəki və Vartaşen rayonlarının Xalq Deputatları Sovetlərinin deputatı seçilib.
- 1993-cü ildən Yeni Azərbaycan Partiyasının üzvü və vəfatına qədər keçirilən YAP Şəki təşkilatının bütün konfranslarının nümayəndəsi olub.
- “Sovet kəndi”, “Nuxa fəhləsi”/“Şəki fəhləsi” və “İpəkçi” qəzetlərində partiya, sovet və təsərrüfat həyatının müxtəlif sahələrinə dair məqalələri dərc olunub.
Mükafatları
- ÜİLKGİ MK-nın, Azərbaycan LKGİ MK-nın, Azərbaycan Həmkarlar ittifaqları Mərkəzi Şurasının, Azərbaycan SSR Kənd Təsərrüfatı Nazirliyinin, Azərbaycan KP Şəki Şəhər Komitəsinin fəxri fərmanları;
- “Sosializm yarışının qalibi” döş nişanları;
- “Əmək veteranı” medalı.
Ailəsi
- Həyat yoldaşı: Abdullayeva Binyət Ibrahimxəlil qızı (d. 1931 – ö. 1994).
- Övladları: Xatirə (vəfat edib), Elxan, Elçin, Cavanşir.