Vaqif Mustafayev

Vaqif Mustafayev (1952–2025) — tanınmış musiqiçi-pedaqoq. 10 ildən çox müddət ərzində Şəki şəhər 4 saylı uşaq musiqi məktəbində müəllim işləmişdir.

Vaqif Mustafayev
Mustafayev Vaqif
Vaqif Mustafayev.

Haqqında məlumatlar

8 yanvar 1952-ci il tarixdə Nuxada (indiki Şəki) anadan olub.

Hərbi xidmət

1971 – 1973-cü illərdə həqiqi hərbi xidmətdə olub.

Təhsili

Vaqif Mustafayev “İpəkçi” ansamblında gitara çalarkən, 1976-cı il.

1977-ci ildə Şəki Musiqi Texnikumunu bitirib.

Əmək və musiqiçi fəaliyyəti

Vaqif Mustafayev Ə.Bakıxanov adına Xalq çalğı ansamblında ud çalarkən.

1974 – 1976-cı illərdə Şəkidə fəaliyyət göstərmiş “İpəkçi” ansamblının (Şəki ipək kombinatı) yaradılmasında yaxından iştirak edib və onun tərkibində müxtəlif yerlərdə (ipək kombinatı, Marxal, “Səadət” pioner düşərgəsi və s.) təşkil olunmuş bayram şənliklərində, konsertlərdə gitara çalıb.

2001 – 2004-cü illərdə Rusiya Federasiyasının Tümen vilayətində “Şahdağ” ansamblında həm tar, həm saz və həm də gitara çalıb.

2004 – 2017-ci illərdə Şəki şəhər 4 saylı uşaq musiqi məktəbində müəllim işləyib.

2017-ci ildən əmək təqaüdündə idi. Bununla yanaşı, uşaqlara tar, saz və gitarada özəl dərslər keçirdi.

Vəfatı

31 yanvar 2025-ci il tarixdə – 73 yaşında, Şəkidə vəfat edib.

Həmçinin, bax:

Elman Mustafayev