Yusif Səfərov

Yusif Səfərov
	Səfərov Yusif Həbibulla oğlu
	Yusif Səfərov
Elm sahəsi	tarix
Elmi dərəcəsi	tarix elmləri namizədi
Elmi adı	professor
Təhsili	S.M.Kirov adına Azərbaycan Dövlət Universiteti, tarix fakültəsində (1939 – 1941; 1947 – 1951) M.V.Lomonosov adına Moskva Dövlət Unuversiteti, aspirantura ( – 1954)
Mükafatları

Haqqında məlumatlar

1921-ci ildə Nuxada anadan olub.

Təhsili

1939 – 1941 və 1947 – 1951-ci illərdi S.M.Kirov adına Azərbaycan Dövlət Universitetinin tarix fakültəsində təhsil alıb.

1954-cü ildə M.V.Lomonosov adına Moskva Dövlət Unuversitetinin aspiranturasını bitirib

Əmək fəaliyyəti

1954-cü ildən S.M.Kirov adına Azərbaycan Dövlət Universitetində çalışmış, əvvəl tarix fakültəsinin dosenti, sonra SSRİ tarixi kafedrasının müdiri, daha sonra mənbəşünaslıq, tarixşünaslıq və tarixin tədrisi üsulları kafedrasının professoru olub.

Elmi fəaliyyəti

1954-cü ildə tarix namizədlik dissertasiyasını müdafiə edib.

Azərbaycanda tarixşünaslıq fənninə dair ilk dərsliyin, 100-dən çox elmi monoqrafiya, məqalələ, metodik vəsait, dərs vəsaiti və proqramların müəllifidir.

Elmi-ictimai fəaliyyəti

Uzun müddət Azərbaycan SSR Elmlər Akademiyasının Terminologiya komissiyasının üzvü olub.

Digər

1941-ci ildə S.M.Kirov adına Azərbaycan Dövlət Universitetində təhsilini yarımçıq qoyaraq faşist Almaniyasına qarşı vuruşan Qızıl Ordu sıralarına getmiş və 1947-ci ilə qədər ordu sıralarında olmuşdur. Onun Qafqazdan başlanan döyüş yolu 1945-ci ildə Berlinin alınması uğrunda döyüşlərlə başa çatmışdır. 1947-ci ildə Sovet ordusu sıralarından müharibə əlili kimi təxris olunub.

Təltif və mükafatları

“Qafqazın müdafiəsinə görə” medalı.
“Qırmızı Ulduz” ordeni.
“Varşavanın azad edilməsinə görə” medalı.
“Qırmızı Bayraq” ordeni.
II dərəcəli “Vətən Müharibəsi” ordeni.
I dərəcəli “Vətən Müharibəsi” ordeni.
SSRİ Ali Baş Komandanlığının fəxri fərmanı ilə təltif olunmuşdur.
“Tərəqqi” medalı – Məmmədəmin Rəsulzadə adına Bakı Dövlət Universitetinin 80 illiyi münasibəti ilə elm və təhsil sahələrində xidmətlərinə görə (11 fevral 2000-ci il).

Ədəbiyyat

Məmmədov Ə., Xalıqov F. Səfərov Yusif // Şəki: Alim və ziyalılar. — Bakı: “Elm”, 2007. — 2 cilddə. — II cild. — Səhifələrin sayı: 428. — Səh.: 348 – 354. — 600 nüsx. — ISBN 5-8066-1708-4..
"SƏFƏROV YUSİF HƏBİBULLA OĞLU (1921-2002) Tarixçi". http://history.bsu.edu.az/ (azərb.). Bakı Dövlət Universiteti. 18 Jun 2017 – 11 Apr 2020 tarixində arxivləşdirilib.