İftixar Hacıyev

İftixar Hacıyev
Hacıyev İftixar Kənan oğlu
İftixar Hacıyev
Şəxsi məlumatlar
Doğum tarixi	18 avqust 1953 (1953-08-18)
Doğum yeri	Nuxa (indiki Şəki), Azərbaycan SSR, SSRİ
Vətəndaşlığı	SSRİ→ Azərbaycan
Musiqi alətləri	tar, gitara, violonçel və bariton
Təhsili	Şəki Musiqi Texnikumu, tar ixtisası (1969–1973)
facebook səhifəsi

İftixar Hacıyev — tanınmış musiqiçi və musiqişünas-pedaqoq, vokalist, tarzən, gitaraçı, violonçelçi və baritonçu. Şəki İpək kombinatının “Təbəssüm” estrada ansamblının, Şəki mədəniyyət evinin “Zirvə” vokal-instrumental ansamblının və “Ay işığı” instrumental ansamblının yaradıcılarından biridir və vaxtilə bu ansamblların solisti olmuşdur. Həmçinin, 1977 – 1986-cı illərdə Şəki şəhər 2 saylı uşaq musiqi məktəbinin nəfəs alətləri orkestrində də müntəzəm olaraq çıxış etmişdir. Hal-hazırda isə özəl kamera ansamblında çalışır.

Haqqında məlumatlar

18 avqust 1953-cü il tarixdə Nuxada (indiki Şəki) anadan olub.

Təhsili

1960 – 1970-ci illərdə Nuxa/Şəki şəhər 8 №-li orta məktəbində,

1963 – 1969-cu illərdə Nuxa/Şəki şəhər 1 №-li uşaq musiqi məktəbində,

1969 – 1973-cü illərdə Şəki Musiqi Texnikumunda təhsil alıb.

Hərbi xidməti

1973 – 1975-ci illərdə hərbi xidmətdə olub.

Əmək fəaliyyəti

1971 – 1973-cü illərdə Şəki şəhər Mədəniyyət Evinin nəfəs alətləri dərnəyində dirijor,

1973-cü ildə və 1975 – 1977-ci illərdə Zaqatala uşaq musiqi məktəbində tar müəllimi,

1977 – 1986-cı illərdə Şəki şəhər 2 saylı uşaq musiqi məktəbində tar müəllimi,

1986 – 1994-cü illərdə Şəki şəhər Mədəniyyət Evinin “Zirvə” xalq-instrumental ansamblının dirijoru,

1984 – 1998-ci illərdə Şəki avtoklubunun müdiri,

2004 – 2020-ci illərdə Şəki şəhər 4 saylı musiqi məktəbində tar müəllimi vəzifəsində çalışıb.

2000-ci ildən əmək fəaliyyətini özəl kamera ansamblında davam etdirir.

• 

  İftixar Hacıyev “Zirvə” vokal-instrumental ansamblında.

• 

  İftixar Hacıyev “Zirvə” vokal-instrumental ansamblında.

• 

  İftixar Hacıyev özəl kamera ansamblında.