Əbülfət Məmmədrəhimov

Əbülfət Məmmədrəhimov
Məmmədrəhimov Əbülfət Yaqub oğlu
Əbülfət Məmmədrəhimov.
Şəxsi məlumatlar
Doğum tarixi	10 yanvar 1952(1952-01-10)
Doğum yeri	Nuxa (indiki Şəki), Azərbaycan SSR, SSRİ
Vəfat tarixi	27 yanvar 2016 (64 yaşında)
Vəfat yeri	Bakı, Azərbaycan
Dəfn yeri	Şəki
Vətəndaşlığı	SSRİ→ Azərbaycan
Peşəsi	tarzən
Musiqi alətləri	tar, saz, ud, gitara, qarmon, nağara, qoşa nağara

Əbülfət Məmmədrəhimov (1952–2016) — tanınmış tarzən, Rəşid Behbudov adına Dövlət Mahnı Teatrının solisti. Tarla yanaşı, sazın və udun da əvəzsiz ifaçısı hesab edilirdi.

Haqqında məlumatlar

10 yanvar 1952-ci il tarixdə Nuxada (indiki Şəki) anadan olub. Tanınmış zurna ifaçısı Ələfsər Rəhimovun (Ələfsər Şəkilinin) qardaşı oğlu idi. Uşaq yaşlarından nağara çalmağı öyrənib, toylara gedib. Sonra qarmon, daha sonra tar çalmağa başlayıb.

Təhsili

Nuxa şəhər Uşaq Musiqi Məktəbində,

Şəki Orta İxtisas Musiqi Məktəbində musiqi təhsili alıb.

1980-ci ildə Üzeyir Hacıbəyov adına Azərbaycan Dövlət Konservatoriyasının xalq çalğı alətləri fakültəsində daxil olub.

Əmək fəaliyyəti

Muğam Mərkəzində, Rəşid Behbudov adına Dövlət Mahnı Teatrında çalışmaqla yanaşı, Asəf Zeynallı adına Musiqi Kollecində və Bakı 6 saylı İncəsənət Məktəbində tar ixtisası üzrə müəllimlik də edib.

Vəfatı

Ömrünün sonuna yaxın ağciyər xərçəngindən əziyyət çəkib.

27 yanvar 2016-cı il tarixdə – 64 yaşında, Bakıda vəfat edib.

28 yanvar 2016-cı il tarixdə Şəkidə dəfn olunub.

Ədəbiyyat

1. Məhəbbətoğlu Q. “Belə getsə, elə nəzərdə tutula-tutula qalacağam” // Zaman : qəzet. — 2015. — В. 4 noyabr. — Səh. 9. Arxivləşdirilib; arxivləşdirmə tarixi: 28 iyul 2019.
2. "Tanınmış musiqiçi Şəkidə son mənzilə yola salındı (video)". “Şəki bələdiyyəsi” qəzeti (azərb.). https://sites.google.com/site/sekibelediyyesi/. 28 Oca 2016. 3 Nov 2020 tarixində arxivləşdirilib.
3. Kərimov V. Yaddaşlarda yaşayan el sənətkarı // Mədəniyyət : qəzet. — 2012. — В. 21 dekabr. — Səh. 12. Arxivləşdirilib; arxivləşdirmə tarixi: 27 Jul 2019 - 9 Jan 2021.