Aqşin Abdullayev

Aqşin Abdullayev
Abdullayev Aqşin İsmayıl oğlu
Aqşin Abdullayev, 2015-ci il.
Doğum tarixi	1 oktyabr 1982(1982-10-01)
Doğum yeri	Kiş, Şəki rayonu, Azərbaycan SSR, SSRİ
Vəfat tarixi	25 fevral 2017 (34 yaşında)
Vəfat yeri	Xocavənd, Azərbaycan
Vətəndaşlıq	Azərbaycan
Mənsubiyyəti	Azərbaycan Ordusu
Təhsili	Bakı Ali Hərbi Məktəbi (1999 – 2003) Azərbaycan Respublikasının Müdafiə Nazirliyinin Silahlı Qüvvələrin Təlim və Tədris Mərkəzi (2003 – 2004)
Hərbi fəaliyyəti
Qoşun növü	Quru Qoşunları
Xidmət illəri	1999 – 2017
Rütbə	mayor
Təltifləri

Aqşin Abdullayev (1982 – 2017) — Azərbaycan Silahlı Qüvvələrinin zabiti, mayor; 25 fevral 2017-ci il tarixdə Azərbaycan – Ermənistan təmas xəttində ermənilərin təxribatının qarşısını alarkən, qəhrəmancasına həlak olmuş, ölümündən sonra “Şücaətə görə” medalı ilə təltif edilmişdir.

Haqqında məlumatlar

1 oktyabr 1982-ci il tarixdə Şəki rayonunun Kiş kəndində anadan olub.

Təhsili

1988 – 1999-cu illərdə Şəki rayon 4 saylı Kiş kənd orta məktəbində,

1999 – 2003-cü illərdə Bakı Ali Hərbi Məktəbində,

2003 – 2004-cü illərdə Azərbaycan Respublikasının Müdafiə Nazirliyinin Silahlı Qüvvələrin Təlim və Tədris Mərkəzində (TTM) təhsil alıb.

Xidməti fəaliyyəti

2004 – 2017-ci illərdə Azərbaycan Respublikasının müxtəlif yerlərində yerləşən hərbi hissələrdə xidmət edib. Son vəzifəsi xidmət göstərdiyi hərbi hissənin kəşfiyyat rəisi idi.

Hərbi rütbələri

2003-cü ildə leytenant,

2005-ci ildə baş leytenant,

2009-cu ildə kapitan,

2013-cü ildə mayor hərbi rütbəsi alıb.

Təltif və mükafatları

1. “Qüsursuz xidmətə görə” II dərəcəli medalı;
2. “Qüsursuz xidmətə görə” III dərəcəli medalı;
3. “Azərbaycan Silahlı Qüvvələrinin 90 illiyi (1918-2008)” yubiley medalı;
4. “Azərbaycan Silahlı Qüvvələrinin 95 illiyi (1918-2013)” yubiley medalı;
5. 2016-ci ilin aprel döyüşləri zamanı şəxsi heyətin qarşısına qoyulmuş döyüş tapşırıqlarının yerinə yetirilməsində fərqləndiyinə görə fəxri-fərman.
6. “Şücaətə görə” medalı.

Vəfatı

Aqşin Abdullayevin dəfn mərasimi

2017-ci ilin 25 fevral tarixində – Fevral döyüşləri zamanı qəhrəmancasına həlak olub. Fevralın 28-i doğulduğu Şəki rayonunun Kiş kəndində dəfn edilib. Dəfn mərasiminə on mindən çox rayon sakini ilə yanaşı, şəhidin qulluq etdiyi hərbi hissənin əsgərləri və zabitləri, Azərbaycan Respublikası Müdafiə Nazirliyinin nümayəndələri, respublikanın müxtəlif bölgələrindən gəlmiş vətəndaşlarımız və şəhidin tabeliyində xidmət göstərmiş əsgərləri qatılmışdı. Azərbaycan Respublikası Müdafiə Nazirliyinin Hərbi Orkestrinin müşaiyyəti ilə keçən dəfn mərasiminin sonunda yaylım atəşi açılmış torpağa tapşırılmışdır.

Ailəsi

2004-cü ildə ailə həyatı qurmuşdur; Amin, Nərmin və Ömər adlı üç övladı vardır.

Xatirəsi

2019-cu ilin fevralında Şəkidə Aqşin Abdullayev haqqında Kamil Adışirinovun müəllifi olduğu “Həyatı nəsillərə örnək olan qəhrəman” kitabının təqdimatı keçirilib.

2019-cu ildə Beyləqanda şəhidə həsr edilmiş ARB Şəki televiziyasının istehsalı olan “İmtahan” filminin təqdimatı keçirilib. Filmin rejissoru İlham Əfəndidir.

Ədəbiyyat

• Şahpəri Abbasova (16:12 03.04.2019). "Şəhid mayor Aqşin Abdullayevin anası Dursun Cavadovadan ağrılı günlərin və dinməyən acıların hekayəsi". https://sputnik.az/ (azərb.). Sputnik. 6 Apr 2019 tarixində arxivləşdirilib.
• "Şəhid Aqşin Abdullayev dəfn edilib - FOTO - VİDEO". https://report.az/ (azərb.). report.az. 28 Fevral , 2017 14:39. 1 Oct 2020 tarixində arxivləşdirilib.