Araz Qasımov

Araz Qasımov
Qasımov Araz Azər oğlu
Araz Qasımov, 2020-ci il.
Anadan olub	23 fevral 1966 (1966-02-23)
Anadan olduğu yer	Bakı, Azərbaycan SSR, SSRİ
Atası	Azər Qasımlı
Anası	Sədaqət Qasımlı
Təhsili	Dadaş Bünyadzadə adına Azərbaycan Xalq Təsərrüfatı institutu/Voznisenski adına Leninqrad Maliyyə İqtisad İnstitutunun Bakı filialı (1983–1989)
facebook səhifəsi

Araz Qasımov — tanınmış iş adamı, Dubayda (Birləşmiş Ərəb Əmirlikləri) fəaliyyət göstərən “Ascalini” şirkətinin sahibi və baş müdiri, Şəki şəhər icra hakimiyyəti başçısının sabiq birinci müavini.

Haqqında məlumatlar

23 fevral 1966-cı il tarixdə Bakıda anadan olub.

Təhsili

1983-cü ildə Bakı şəhər 20 №-li orta məktəbini bitirib.

1983 – 1989-cu illərdə Dadaş Bünyadzadə adına Azərbaycan Xalq Təsərrüfatı institutunda/Voznisenski adına Leninqrad Maliyyə İqtisad İnstitutunun Bakı filialında təhsil alıb.

Hərbi xidmətdə

1985 – 1987-ci illərdə həqiqi hərbi xidmətdə olub.

Əmək fəaliyyəti

1989 – 1990-cu illərdə Bakı şəhər 26 Bakı komissarı (indiki Səbail) rayonunun maliyyə şöbəsində iqtisadçı,

1990 – 1992-ci illərdə Bakı şəhər 26 Bakı komisarı/Səbail rayonu vergi idarəsində əvvəl vergi müfəttişi, sonra şöbə rəisi,

1992 – 1994-cü illərdə Bakı şəhərindəki bir kommersiya bankının müdiri,

1994 – 1999-cu illərdə Citibankın Dubay (Birləşmiş Ərəb Əmirlikləri) şöbəsində məmur,

1999 – 2002-ci illərdə Şəki şəhər icra hakimiyyətində başçının müavini,

2002-ci ildən Bakı Neft-yağ zavodunda baş direktorun müavini vəzifəsində çalışıb.

2005-ci ildən Dubayda (Birləşmiş Ərəb Əmirlikləri) fərdi bizneslə məşğuldur (“Ascalini” şirkətinin sahibidir və baş müdiridir).