Aysel Məmmədbəyli

Aysel Məmmədbəyli
	Məmmədbəyli Aysel İlqar qızı
	Aysel Məmmədbəyli.
Doğum tarixi	24 avqust 1986 (37 yaş)
Doğum yeri	Bakı, Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	german dilləri, filologiya
İş yeri	Azərbaycan Dillər Universiteti
Elmi dərəcəsi	elmlər doktoru
Elmi adı	dosent
Təhsili	• Azərbaycan Dillər Universiteti, bakalavriat, 1 №-li ingilis dili fakültəsi, filologiya ixtisası (2004–2008) • Azərbaycan Dillər Universiteti, magistratura, dilşünaslıq fakültəsi, dilşünaslıq ixtisası (2008–2010)
Atası	İlqar Abdulkərim oğlu Kərimov
Anası	Fəridə Əjdər qızı Kərimova
Adının digər versiyaları	Aysel Mammadbayli, Aysel Memmedbeyli, Айсел Мамедбейли, Айсел Мамедбекли, Ајсел Мәммәдбәјли

Aysel Məmmədbəyli — german dilləri ixtisasında filologiya elmləri elm sahəsi üzrə elmlər doktoru, Azərbaycan Dillər Universitetinin ingilis dilinin leksikologiyası və üslubiyyatı kafedrasının dosenti.

Haqqında məlumatlar

24 avqust 1986-cı il tarixdə Bakıda anadan olub.

Təhsili

1993 – 2004-cü illərdə Bakı şəhər 258 saylı orta məktəbində,

2004 – 2008-ci illərdə Azərbaycan Dillər Universitetinin bakalavriat şöbəsinin 1 №-li ingilis dili fakültəsində,

2008 – 2010-cu illərdə Azərbaycan Dillər Universitetinin magistratura şöbəsinin dilşünaslıq fakültəsində təhsil alıb.

Elmi fəaliyyəti

2011-ci ildə german dilləri ixtisası üzrə Azərbaycan Dillər Universitetinin dissertantura şöbəsinə qəbul olunub.

2016-cı il filologiya üzrə fəlsəfə doktoru elmi dərəcəsi,

2022-ci ildə dosent elmi adı,

2023-cü ildə filologiya elmləri elm sahəsi üzrə elmlər doktoru elmi dərəcəsi alıb.

9 tezisin (4-ü xaricdə nəşr olunub), 25 məqalənin (10-u xaricdə nəşr olunub), 1 monoqrafiyanın, 1 nəzəri və praktik dərs vəsaitin, 2 metodiki vəsaitin və 1 proqramın müəllifidir.

Əmək fəaliyyəti

2009-cu ildən Azərbaycan Dillər Universitetinin ingilis dilinin leksikologiyası və üslubiyyatı kafedrasında işləyir; o cümlədən,

2009-cu ildən laborant,

2010-cu ildən müəllim

2018-ci ildən baş müəllim,

2019-cu ildə isə dosent əvəzi,

2022-ci ildə dosent vəzifəsinə təyin olunub.

İctimai-siyasi fəaliyyəti

2021-ci ildə isə Azərbaycan Dillər Universitetinin Dissertasiya şuraları nəzdində elmi seminarın katibi vəzifəsinə təyin olunub.

Təltif və mükafatları

Azərbaycan Təhsil İşçiləri Azad Həmkarlar İttifaqının Fəxri fərmanı — “İlin Peşəkar Gənci” müsabiqəsində qazandığı uğurlarına görə (21 fevral 2020-ci il )
Azərbaycan Təhsil İşçiləri Azad Həmkarlar İttifaqının “2019-cu ilin Peşəkar Gənci” Fəxri diplomu və döş nişanı — əməkdə, təhsildə və ictimai fəaliyyətdə xüsusi nailiyyətlərinə görə (15 iyul 2020-ci il).

Ailəsi

Ailəlidir, 3 övladı var.