Badisəba Köçərli

Badisəba Köçərli
Köçərli Badisəba Mustafa ağa qızı
Badisəba Köçərli.
Anadan olub	22 mart 1881(1881-03-22)
Anadan olduğu yer	Salahlı kəndi, Qazax qəzası, Yelizavetpol quberniyası, Rusiya İmperiyası
Vəfat edib	yanvar 1954(1954-01-00) (72 yaşında)
Vəfat etdiyi yer	Bakı, Azərbaycan SSR, SSRİ
Həyat yoldaşı	Firidun bəy Köçərli
Təhsili	Azərbaycan Pedaqoji İnstitutu (1920-ci illər)
Mükafatları

Badisəba Köçərli (1881–1954) — tanınmış pedaqoq, Azərbaycan SSR əməkdar müəllimi; uşaqların tərbiyəsi və təhsilə cəlb olunması, qadınlar arasında savadsızlığın ləğv edilməsində xidmətləri olub.

Haqqında məlumatlar

22 mart 1881-ci il tarixdə Qazax qəzasının Salahlı kəndində anadan olub.

Qızlıq familiyası “Vəkilova” idi.

1897-ci ildə görkəmli Azərbaycan maarifçisi və Azərbaycan ədəbiyyatı tənqidçisi Firidun bəy Köçərliyə ərə getdikdən sonra ərinin soyadına keçib.

Təhsili

1920-ci illərdə Azərbaycan Pedaqoji İnstitutunda təhsil alıb.

Əmək fəaliyyəti

Badisəba Köçərli Nuxa 2 №-li uşaq evində işləyərkən.

1921 – 1924-cü illərdə Bakı qadın seminariyasında müəllim işləyib.

1925 – 1929-cu illərdə Zaqatala Pedaqoji Texnikumunun,

1929-cu ildə Quba Pedaqoji Texnikumunun,

1930 – 1953-ci illərdə isə Nuxa 2 №-li uşaq evinin direktoru olub.

İctimai fəaliyyəti

1948 və 1951-ci illərdə Nuxa rayon Sovetinə deputat seçilib.

Təltif və mükafatları

• “Şərəf Nişanı” ordeni;
• “Qafqazın müdafiəsinə görə” medalı;
• “Azərbaycan SSR əməkdar müəllimi” fəxri adı (1945).

Vəfatı

1954-cü ilin yanvar ayında – 72 yaşında, Bakıda vəfat edib.

Ədəbiyyat

• Xeyirxah, nəcib əməllər sahibi // Respublika : qəzet. — Bakı, 2017. — В. 5 fevral. — № 26. — Səh. 5. Arxivləşdirilib; arxivləşdirmə tarixi: 30 dekabr 2020.