Coşqun Qarabulud

Coşqun Qarabulud
türk.: Coşkun Karabulut, Ziyattin oglu
Coşqun Qarabulud.
Doğum tarixi	5 noyabr 1956 (1956-11-05)
Doğum yeri	Sarıqamış ilçəsi, Qars ili, Türkiyə
Atası	Ziyəddin Qara oğlu
Anası	Qüdrət Hacı qızı
Təhsili	Hacəttəpə Universiteti, sosiologiya bölməsi (–1980)
facebook hesabı

Coşqun Qarabulud (türk.: Coşkun Karabulut) — tanınmış türk şairi və sabiq türk bank işçisi. Ana babası vaxtilə Şəkidən Türkiyəyə köçənlərdən biri olub və bu səbəbdən də 2017-ci ilin oktyabr ayının 8-də Cavanşir Feyziyevin dəvəti ilə Azərbaycana gəlib, o cümlədən, oktyabr ayının 10-da Şəkidə olub və Şəki şəhər İcra Hakimiyyəti rəhbərliyi tərəfindən qəbul edilib. Oktyabrın 11-də isə Şəki Dövlət Regional Kollecində Coşqun Qarabuludun şərəfinə musiqili proqram nümayiş etdirilmişdir.

Haqqında məlumatlar

5 noyabr 1956-cı il tarixdə Türkiyənin Qars ilinin Sarıqamış ilçəsində anadan olub.

Təhsili

1975-ci ildə Sarıqamış liseyini,

1980-cı ildə Hacəttəpə Universitetinin sosiologiya bölümünü bitirib.

Əmək fəaliyyəti

1981 – 2002-ci illərdə Mersin, Adana, Fəthiyə və Quşadasıda müxtəlif bankların filiallarında əməkdaş, yaxud müdir vəzifəsində çalışıb və 2002-ci ildə təqaüdə çıxıb.

2002 – 2005-ci illərdə Fəthiyədə (Muğla) otel işlədib.

2005 – 2014-cü illərdə isə Ölüdəniz bələdiyyəliyində (Fəthiye/Muğla) mədəniyyət evinin (türk.: sanatevi) müdiri olub.

Ədəbi yaradıcılığı

İlk şeiri Mersində çıxan “Senfoni” jurnalında, sonrakı şeir və yazıları isə “Şiir Defteri”, “Maki”, “İlkyaz”, “Tını”, “Lacivert”, “Aykırı Sanat”, “Söylem”, “İzmir İzmir”, “Edebiyat Güncesi”, “Afrodisyas Sanat”, “Turunç”, “Adana Çağdaş Yaşam”, “Karabük Tay” və “Yaşam Sanat” jurnallarında dərc olunub.

2022-ci ildə Özbəkistanda yeni çapdan çıxmış 100 cildlik “Türk ədəbiyyatı inciləri” (özb.: Туркий адабиёт дурдоналари) külliyyatının 42-ci cildində Coşqun Qarabuludun şeirləri də yer alıb.

Kitabları

• Taramak Gökyüzünü (1993);
• Bizim Olan Ne Var ki (1996);
• Aklımda Sen (2002);
• Çizgi (2007);
• Beni Zamansız Bırak (2010);
• Pılı Pırtı Şiirler (2012).

Coşqun Qarabulud 2017-ci ildə Şəkidə olarkən (fotoşəkillər)

• 

  Şəki İcra hakimiyyətində.

• 

  Şəki İcra hakimiyyətində, Şəki İcra hakimiyyəti başçısının birinci müavini Həsən Həsənov Coşqun Qarabuluda hədiyyə təqdim edərkən.

• 

  Şəki Dövlət Regional Kollecində.

• 

  Azərbaycan Dövlət Pedaqoji Universitetinin Şəki filialında.

Ədəbiyyat

1. "Coşqun Qarabulud Şəkidə coşqu ilə qarşılandı". https://manera.az/ (azərb.). manera.az. 11 Jan 2021 tarixində arxivləşdirilib.
2. "Türkiyəli şair Coşkun Karabulut Şəkidə..." https://sheki.arbtv.az/ (azərb.). ARB Şəki. 10 Oktyabr 2017. 10 Jan 2021 tarixində arxivləşdirilib.
3. "Coşkun Karabulut". http://teis.yesevi.edu.tr/ (Türkçe). Türk Edebiyatı İsimler Sözlüğü. 2 Nov 2020 - 24 Nov 2020 tarixində arxivləşdirilib.
4. "Coşkun Karabulut". https://www.biyografya.com/ (Türkçe). Biyografya. 12 Feb 2016 – 25 Apr 2017 tarixində arxivləşdirilib.