Faiq Əliyev

Faiq Əliyev
Əliyev Faiq Vəlhəm oğlu
Faiq Əliyev, 2021-ci il.
Doğum tarixi	12 may 1977 (1977-05-12)
Doğum yeri	Baş Layısqı, Şəki rayonu, Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	tibb
İş yeri	M.A.Topçubaşov adına Elmi Cərrahiyyə Mərkəzi, yoğun və düz bağırsaq xəstəlikləri cərrahiyyəsi şöbəsi (kiçik elmi işçi)
Elmi dərəcəsi	tibb üzrə fəlsəfə doktoru
Təhsili	• N.Nərimanov adına Azərbaycan Tibb Universiteti, II müalicə-profilaktika fakültəsi (1994–2000)  • Azərbaycan Tibb Universiteti, II cərrahi xəstəliklər kafedrası, aspirantura (2003–2006)

Faiq Əliyev — tibb üzrə fəlsəfə doktoru, akademik M.A.Topçubaşov adına Elmi Cərrahiyyə Mərkəzinin yoğun və düz bağırsaq xəstəlikləri cərrahiyyəsi şöbəsinin kiçik elmi işçisi.

Haqqında məlumatlar

12 may 1977-ci il tarixdə Şəki rayonunun Baş Layısqı kəndində anadan olub.

Təhsili

1984 – 1994-cü illərdə Baş Layısqı kənd orta məktəbində,

1994 – 2000-ci illərdə N.Nərimanov adına Azərbaycan Tibb Universitetinin II müalicə-profilaktika fakültəsində təhsil alıb.

2000 – 2001-ci illərdə Təcili Tibbi Yardım Xəstəxanasında internatura keçib.

2003 – 2006-cı illərdə Azərbaycan Tibb Universitetinin II cərrahi xəstəliklər kafedrasının aspiranturasında təhsil alıb.

Elmi fəaliyyəti

2006-cı ildə “Xroniki kolostazların cərrahi müalicəsi” mövzusunda namizədlik dissertasiyasını müdafiə edib.

2 kitabın, 3 metodik tövsiyənin, 1 ixtiranın, 12 səmərələşdirici təklifin, 40 məqalə və tezisin müəllifidir.

Əmək fəaliyyəti

1996 – 2000-ci illərdə 5 və 3 №-li TTY stansiyalarında, Mərkəzi Neftçilər xəstəxanasında, Mərkəzi Hərbi Hospitalında əvvəl sanitar işçi, sonra feldşer,

2001 – 2003-cü illərdə Şəki şəhər 2 saylı poliklinikasında və Şəki İpək ASC-nin sanitar tibbi hissəsində həkim-cərrah işləyib.

2006-cı ildən akademik M.A.Topçubaşov adına Elmi Cərrahiyyə Mərkəzinin yoğun və düz bağırsaq xəstəlikləri cərrahiyyəsi şöbəsində kiçik elmi işçi vəzifəsində çalışır.

Ədəbiyyat

1. "Yoğun və düz bağırsaq xəstəlikləri cərrahiyyəsi şöbəsi / Əliyev Faiq Vəlhəm oğlu". http://ecm.az/ (azərb.). M.Topçubaşov adına Elmi Cərrahiyyə Mərkəzi. 7 May 2020 – 18 Jan 2021 tarixində arxivləşdirilib.
2. Adışirinov K. Göynük mahalı: siyasi, coğrafi, mədəni tarixi və folkloru (I kitab). — Azərbaycan Milli Elmlər Akademiyası Şəki Regional Elmi Mərkəzi, folklorşünaslıq və el sənətləri şöbəsi. — Bakı: Elm və təhsil, 2019. — Səhifələrin sayı:  251 – 252. Arxivləşdirilib; arxivləşdirmə tarixi: 20 iyun 2021.