Namiq Həmidov

Namiq Həmidov
Həmidov Namiq Lütvəli oğlu
Namiq Həmidov.

Namiq Həmidov — tanınmış musiqiçi-pedaqoq və tarzən. 1980-cı illərdə Şəki Musiqi Texnikumunun direktoru olmuş, sonralar uzun müddət Şəki şəhər 3 nömrəli Uşaq Musiqi Məktəbində xalq çalğı alətləri şöbəsinin müdiri vəzifəsində çalışmışdır. 2021-ci ilin noyabr ayından əmək təqaüdündədir.

Haqqında məlumatlar

17 aprel 1955-ci il tarixdə Nuxada (indiki Şəki) anadan olub.

Təhsili

1965 – 1970-ci illərdə Nuxa/Şəki şəhər 1 №-li uşaq musiqi məktəbinin tar sinfində,

1970 – 1974-cü illərdə Şəki Musiqi Texnikumunun xalq çalğı alətləri şöbəsində,

1974 – 1979-cu illərdə Üzeyir Hacıbəyov adına Azərbaycan Dövlət Konservatoriyasının xalq çalğı alətləri şöbəsində təhsil alıb.

Əmək fəaliyyəti

1979 – 1981-ci illərdə Şəki Musiqi Texnikumunda xalq çalğı alətləri şöbəsinin müdiri və təlim-tərbiyə işləri üzrə direktorun müavini,

1981 – 1989-ci illərdə Şəki Musiqi Texnikumunun direktoru,

1989 – 1991-ci illərdə Bakı Dövlət Universitetinin Şəki filialında musiqi müəllimi,

1991 – 1998-ci illərdə Şəki Pedaqoji Texnikumunda musiqi müəllimi,

1991 – 2021-ci illərdə Şəki şəhər 3 nömrəli Uşaq Musiqi Məktəbində xalq çalğı alətləri şöbəsinin müdiri vəzifəsində çalışıb.

Ailəsi

Evlidir, iki oğlu, bir qızı və dörd nəvəsi var.