Qəmər Məmmədova

Qəmər Məmmədova
Məmmədova Qəmər Məlik qızı
Qəmər Məmmədova.
Doğum tarixi	10 sentyabr 1954 (1954-09-10)
Doğum yeri	Biləcəri, Bakı, Azərbaycan SSR, SSRİ
Vətəndaşlığı	SSRİ→ Azərbaycan
Təhsili	Mirzağa Əliyev adına Azərbaycan Dövlət İncəsənət İnstitutu, dram və kino aktyorluğu fakültəsi (1971–1975)
Mükafatları
facebook səhifəsi

Qəmər Məmmədova — Azərbaycan Respublikasının əməkdar artisti və əməkdar incəsənət xadimi, Azərbaycan Dövlət Gənc Tamaşaçılar teatrının aktrisası. Bir neçə filmdə də rol oynamışdır.

Haqqında məlumatlar

10 sentyabr 1954-cü il tarixdə Bakının Biləcəri qəsəbəsində anadan olub.

Təhsili

1971 – 1975-ci ildə Mirzağa Əliyev adına Azərbaycan Dövlət İncəsənət İnstitutunun dram və kino aktyorluğu fakültəsində təhsil alıb.

Əmək fəaliyyəti

1975 – 1979-cu illərdə Sabit Rəhman adına Şəki Dövlət Dram Teatrının,

1979 – 1983-cü illərdə Mirzağa Əliyev adına Azərbaycan Dövlət İncəsənət İnstitutunun Tədris teatrının,

1983 – 2002-ci illərdə yenidən Sabit Rəhman adına Şəki Dövlət Dram Teatrının,

2002 – 2009-cu illərdə Azərbaycan Dövlət Gənclər Teatrının aktrisası olub.

2009-cu ildən Azərbaycan Dövlət Gənc Tamaşaçılar Teatrının aktrisasıdır.

Pedaqoji fəaliyyəti

2003-cü ildən Azərbaycan Dövlət Mədəniyyət və İncəsənət Universitetində dərs deyir. O cümlədən, bir müddət kütləvi tədbirlər və rejissorluq kafedrasının müdiri olub.

Təltif və mükafatları

• “Azərbaycan Respublikasının əməkdar artisti” fəxri adı (2000);
• “Azərbaycan Respublikasının əməkdar incəsənət xadimi” fəxri adı (2013).

Ədəbiyyat

1. Rəhimli İ. Qəmər Məmmədova // Şəki teatrı. — Bakı: Qanun, 2016. — Səhifələrin sayı:  383. — Səh.: 280-284. — 500 nüsx. — ISBN 978-9952-36-230-5.

Filmoqrafiya

• O dünyadan salam (film, 1991)
• Həm ziyarət, həm ticarət... (film, 1995)
• Yalan (film, 2005)
• Cavad xan (film, 2009)