Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasına məxsusdur.

Rüstəm xan Xoyski

Şəki Ensiklopediyası səhifəsi
Jump to navigation Jump to search
Rüstəm xan Xoyski
Xoyski Rüstəm xan İsgəndər xan oğlu
Rustam Khan Khoyski 2019 stamp of Azerbaijan.jpg
Rüstəm xan Xoyskinin şərəfinə buraxılmış poçt markası.
bayraqAzərbaycan İctimai Şuralar Cümhuriyyətinin sosial təminat komissarının müavinibayraq
 — 15 may 1920
bayraqAzərbaycan Cümhuriyyətinin ümuri-xeyriyyə və səhiyyə nazirinin müavinibayraq
24 dekabr 1919 — 1 aprel 1920
bayraqAzərbaycan Cümhuriyyətinin ümuri-xeyriyyə (sosial təminat) nazirinin müavinibayraq
14 mart 1919 — 22 dekabr 1919
bayraqAzərbaycan Cümhuriyyətinin ümuri-xeyriyyə (sosial təminat) naziribayraq
26 dekabr 1918 — 14 mart 1919
Sələfi Musa bəy Rəfiyev
Xələfi Valerian Klenevski
Şəxsi məlumatlar
Doğum tarixi 28 noyabr 1888(1888-11-28) (Yuli təqvimi ilə 15 noyabr 1988)
Doğum yeri Nuxa (Şəki), Nuxa qəzası, Yelizavetpol (Gəncə) quberniyası, Flag of Russia.svg Rusiya İmperiyası
Vəfat tarixi 1939(1939-Şablondakı doğum və ya ölüm tarixində texniki yanlışlıq var!-00)
Vəfat yeri Moskva, Flag of the Russian Soviet Federative Socialist Republic (1954–1991).svg RSFSR, Flag of the Soviet Union.svg SSRİ
Atası İskəndər xan Xoyski
Anası Şəhrəbanu
Təhsili Sankt-Peterburq İmperator Universiteti, hüquq fakültəsi (1906 – 1913)

Rüstəm xan Xoyski – hüquqşünas, dövlət xadimi, Fətəli xan Xoyskinin kiçik qardaşı; Azərbaycan Cümhuriyyətinin ümuri-xeyriyyə (sosial təminat) naziri və nazir müavini, ümuri-xeyriyyə və səhiyyə nazirinin müavini, Azərbaycan İctimai Şuralar Cümhuriyyəti sosial təminat komissarının müavini vəzifələrində çalışmışdır.

Haqqında məlumatlar[redaktə | HTML redaktə]

28 noyabr 1888-ci il tarixdə Nuxada (Şəkidə) anadan olub.

Təhsili[redaktə | HTML redaktə]

1) Rüstəm xan Xoyski, 3) Nəsrəddin bəy Səfikürdski, 4) Camo bəy Hacınski, – azərbaycanlı tələbələr, Sankt-Peterburq, 1906 – 1913-cü illər.

1906-cı ildə Yelizavetpol (Gəncə) klassik gimnaziyasında orta təhsilini başa vurub.

1906 – 1913-cü illərdə Sankt-Peterburq İmperator Universitetinin hüquq fakültəsində təhsil alıb.

Əmək fəaliyyəti[redaktə | HTML redaktə]

1913 – 1916-cı illərdə Yelizavetpol (Gəncə) Dairə Məhkəməsində,

1916 – 1917-ci illərdə isə Bakı Dairə Məhkəməsində andçı müvəkkil müavini vəzifəsində işləyib.

1917-ci ildə Bakı Dairə Məhkəməsi sistemində vəkil köməkçisi idi.

1918-ci ilin 28 mayında Azərbaycan Cümhuriyyəti elan edildikdən sonra bir müddət Cümhuriyyət Heyəti-Vükəla (Nazirlər Şurası) İdarəsinin müdiri vəzifəsində çalışıb.

26 dekabr 1918-ci il tarixdən 14 mart 1919-cu il tarixədək – Fətəli xan Xoyskinin qurduğu 3-cü hökumət kabinəsində, ümuri-xeyriyyə (sosial təminat) naziri,

14 mart 1919-cu il tarixdən 22 dekabr 1919-cu il tarixədək – Nəsib bəy Yusifbəylinin qurduğu 4-cü hökumət kabinəsində, ümuri-xeyriyyə nazirinin müavini,

24 dekabr 1919-cu il tarixdən 1 aprel 1920-ci il tarixədək – Nəsib bəy Yusifbəylinin qurduğu 5-ci hökumət kabinəsində, isə ümuri-xeyriyyə və səhiyyə nazirinin müavini vəzifəsini tutub.

27 aprel 1920-ci il tarixdə Azərbaycanda sovet hakimiyyətinin qurulmasından sonra 15 may 1920-ci il tarixədək bir müddət Azərbaycan İctimai Şuralar Cümhuriyyəti sosial təminat komissarının müavini vəzifəsində çalışıb.

1924-cü ildə Azərbaycan İctimai Şuralar Cümhuriyyəti Ali İqtisad Şurasında və Xalq Komissarları Şurasında katib idi.

Sonralar Moskvaya köçmüş və Moskvada müxtəlif dövlət idarələrində çalışmışdır.

Məhkumluğu[redaktə | HTML redaktə]

1920-ci ilin iyunun 5-də Nardaran kəndində olarkən həbs edilib; 1920-ci ilin 31 avqustuna qədər həbsxanada saxlanılmış, sonra isə sürgünə göndərilmişdir. Həbsdə olarkən, anası Şəhrəbanı oğlunu xilas etmək üçün Hərbi İnqilab Komitəsinin sədri Nəriman Nərimanova ərizə ilə müraciət ebib, lakin Nəriman Nərimanov bu ərizəyə qəti cavab verməyib.

Digər[redaktə | HTML redaktə]

Peterburq Universitetində Azərbaycandan getmiş tələbələrin təşkil etdiyi yerdaşlıq cəmiyyətinin üzvü olub.

1917-ci ildə əvvəlcə Bakı Müsəlman İctimai Təşkilatları Komitəsinə, sonra isə komitənin siyasi bölməsinə üzv seçilib.

Vəfatı[redaktə | HTML redaktə]

1939-cu ildə Moskvada vəfat edib; Novodeviçye qəbiristanlığında – qaynı, mühəndis İ.İ.Yutkeviçin qəbrinin yanında dəfn olunub.

İstifadə edilmiş mənbə[redaktə | HTML redaktə]

  • Mərdanov M.C., Tahirzadə Ə.Ş. 1920-ci ilədək ali məktəblərdə oxumuş azərbaycanlılar (ensiklopedik soraq kitabı). — F – İ hərfləri. — Bakı: Təhsil, 2019. — III  cild. — Səh.: 382 – 388.