Süleyman Süleymanov

Süleyman Süleymanov
	Süleymanov Süleyman Həşim oğlu
	Süleyman Süleymanov.
Doğum tarixi	22 sentyabr 1938 (85 yaş)
Doğum yeri	Baş Layısqı, Nuxa (indiki Şəki) rayonu, Azərbaycan SSR, SSRİ
Vətəndaşlıq	SSRİ→ Azərbaycan
Təhsili	• Sovet Ticarəti Texnikumu, texnologiya şöbəsi (–1960) • Dadaş Bünyadzadə adına Azərbaycan Xalq Təsərrüfatı İnstitutu, ərzaq malları əmtəəşünaslığı fakültəsi, axşam şöbəsi (1967–)
Adının digər versiyaları	Suleyman Suleymanov, Сулейман Сулейманов, Сүлејман Сүлејманов

Süleyman Süleymanov — tanınmış ictimai iaşə işçisi və kulinar. Uzun müddət Sumqayıt şəhər ictimai iaşə trestində müxtəlif vəzifələrdə çalışmışdır.

Haqqında məlumatlar[redaktə | HTML redaktə]

22 sentyabr 1938-ci il tarixdə Nuxa (indiki Şəki) rayonunun Baş Layısqı kəndində anadan olub.

1941-ci ildə Böyük Vətən müharibəsinin başlanmasından sonra atası Həşim Süleymanov orduya çağırılıb. O, Mozdok ətrafında gedən döyüşdə ağır yaralanıb və 1942-ci ilin fevral ayında ordudan tərxis olunub. Üç ay sonra isə vəfat edib.

Təhsili[redaktə | HTML redaktə]

1956-cı ildə Baş Layısqı kənd orta məktəbini,

1960-cı ildə Sovet Ticarəti Texnikumunun (Bakı) texnologiya şöbəsini bitirib.

1967-cı ildə Dadaş Bünyadzadə adına Azərbaycan Xalq Təsərrüfatı İnstitutunun ərzaq malları əmtəəşünaslığı fakültəsinin axşam şöbəsinə daxil olub.

Hərbi xidmətdə[redaktə | HTML redaktə]

1960 – 1963-cü illərdə hərbi xidmətdə olub.

Əmək fəaliyyəti[redaktə | HTML redaktə]

1960-cı ildə təyinat üzrə Sumqayıt şəhər iaşə trestinin şəbəkələrində aşpaz,

1963-cü ildən Bakıda 2 №-li yeməkxanalar trestinin şəbəkələrində, Ali partiya məktəbinin yeməkxanasında baş aşbaz,

1967-ci ildən Ticarət Kulinar Peşə Məktəbinin aşbazlıq qrupunda istehsalat ustası,

1968-ci ildən Ticarət Kulinar Peşə Məktəbinin Sumqayıt filialında aşbazlıq müəllimi və müdir işləyib.

1973 – 1998-ci illərdə Sumqayıt şəhər ictimai iaşə trestində müxtəlif vəzifələrdə çalışıb; o cümlədən,

1973-cü ildən kadrlar üzrə direktor müavini,

1977-ci ildən baş müvəkkil,

1985-ci ildən baş mühəndis-texnoloq,

1993 – 1998-ci illərdə istehsalat müdiri olub.

1998-ci ildə Ticarət Nazirliyinin və ictimai-iaşə trestlərinin ləğv olunmasından sonra təqaüdə çıxıb.

Digər[redaktə | HTML redaktə]

27 noyabr 1974-cü il tarixdə Sumqayıtın 25 illik yubileyi münasibəti ilə “Bahar” restoranında təşkil olunmuş və respublika rəhbərlərinin, o cümlədən Heydər Əliyevin də iştirak etdiyi böyük ziyafətin təşkilinə rəhbərlik edib.

Ailəsi[redaktə | HTML redaktə]

5 övladı, 11 nəvəsi, 4 nəticəsi var.