Səkinə Məmmədova
| Səkinə Məmmədova | |
|---|---|
| Məmmədova Səkinə Aydın qızı | |
 | |
| Səkinə Məmmədova. | |
| Doğum tarixi | 1 iyun 1995 |
| Doğum yeri |
Şəki,  Azərbaycan |
| Atası | Aydın Məmmədov |
| Anası | Nəzakət Məmmədova |
| Vətəndaşlıq |
Azərbaycan |
| Təhsili |
• Atatürk Universiteti (Ərzurum, Türkiyə), açıq və uzaqdan öyrənmə fakültəsi, bakalavriat, idman və idman elmləri ixtisası (2022–) alan tələbəsi. |
| Adının digər versiyaları | Sekine Memmedova, Sekine Mammadova, Sekina Mammadova, Sakina Mammadova, Sekina Memmedova, Секина Мамедова, Секине Мамедова, Сакина Мамедова, Сәкинә Мәммәдова |
Səkinə Məmmədova — 2012 – 2019-cu illərdə idmanın cüdo, kabaddi, sumo, sərbəst güləş növləri üzrə bir sıra yerli və beynəlxalq yarışlarda iştirak etmiş və dəfələrlə mükafata layiq yerləri tutmuş idmançı. Atatürk Universitetinin (Ərzurum, Türkiyə) açıq və uzaqdan öyrənmə fakültəsinin bakalavriatında idman və idman elmləri ixtisası üzrə təhsil alan 2-ci kurs tələbəsidir.
Haqqında məlumatlar[redaktə | HTML redaktə]
1 iyun 1995-ci il tarixdə Şəkidə anadan olub.
Təhsili[redaktə | HTML redaktə]
2001 – 20002-ci illərdə Şəki şəhər 19 saylı orta məktəbində,
2002 – 2008-ci illərdə Bakı şəhər 215 saylı orta məktəbində,
2008 – 2010-cu illərdə Bakı şəhər 4 saylı orta məktəbində təhsil alıb.
2020-ci ildə eksternat imtahan verərək orta təhsil attestatı alıb.
2022-ci ildə Atatürk Universitetinin (Ərzurum, Türkiyə) açıq və uzaqdan öyrənmə fakültəsinin bakalavriatında idman və idman elmləri ixtisası üzrə təhsil almağa başlayıb.
İdman fəaliyyəti[redaktə | HTML redaktə]
2014-cü ilin dekabr ayında Hindistanın Pəncab ştatında keçirilmiş Kabaddi üzrə Dünya Kuboku uğrunda mübarizədə iştirak edən Azərbaycan qadın milli kabaddi komandasının oyunu PTC News televiziyasının canlı yayımında göstərilərkən Azərbaycan komandasının heyət üzvlərinin, o cümlədən Səkinə Məmmədovanın adı tabloda nümayiş etdirilir.
Səkinə Məmmədova (sağdan birinci) bürünc medalla təltif olunarkən — Şimali Osetiya Respublikası, Rusiya Federasiyası, 23 noyabr 2019-cu il.
Təltif və mükafatları[redaktə | HTML redaktə]
2012-ci il – cüdo üzrə “Auro” Cüdo Klubunun açıq birinciliyində (Bakı, təşkilatçı: Azərbaycan Cüdo Federasiyası, “Auro” Cudo Klubu ), 55 kq çəki dərəcəsində — 3-cü yer.
2013-cü il – cüdo üzrə Bakı şəhər çempionatı (Bakı, təşkilatçı: Bakı şəhər Gənclər və İdman Baş İdarəsi), 48 kq çəki dərəcəsində — 3-cü yer.
2013-cü il – cüdo üzrə Bakı çempionatı (Bakı, təşkilatçı: Bakı şəhər Gənclər və İdman Baş İdarəsi), 1993 – 1995-ci təvəllüdlülər arasında, 52 kq çəki dərəcəsində — 1-ci yer.
2013-cü il – cüdo üzrə Zəfər bayramı münasibəti ilə yarışma (Ankara, İstanbul, təşkilatçı: Türkiyə Respublikası Gənclər və İdman Nazirliyi), 52 kq çəki dərəcəsində — 1-ci yer.
2013-cü il – beynəlxalq və respublika yarışlarında müvəffəqiyyət qazandığına görə (Şəki, Şəki şəhər Gənclər və İdman İdarəsi) — Fəxri fərman.
2013-cü il – cüdo üzrə Azərbaycan çempionatı (Bakı, təşkilatçı: Azərbaycan Respublikası Gənclər və İdman nazirliyi), U 21 yaş kateqoriyası, 52 kq çəki dərəcəsində — 3-cü yer.
2014-cü il – kabaddi üzrə dünya kuboku (Pəncab, Hindistan), Azərbaycan qadın milli kabaddi komandasının tərkibində — həvəsləndirici mükafat.
2014-cü il – cüdo üzrə Bakı Şəhər Açıq Birinciliyi (Bakı, təşkilatçı: Bakı şəhər Gənclər və İdman Baş İdarəsi), 1994 – 1996-cı təvəllüdlülər arasında, 52 kq çəki dərəcəsində — 2-ci yer.
2018-ci il – sumo üzrə Azərbaycan çempionatı (Bakı, təşkilatçı: Azərbaycan Respublikası Gənclər və İdman nazirliyi) — 2-ci yer.
2019-cu il – Avropa çempionu, beynəlxalq dərəcəli usta Yelkan Tedeyevin xatirəsinə həsr olunmuş sərbəst güləş üzrə 19-cu Ümumrusiya turniri (Şimali Osetiya Respublikası, Rusiya Federasiyası), 57 kq çəki dərəcəsində — Bürünc medal.
2019-cu il – sərbəst güləş üzrə “Gömrükçü” İdman Klubunun qızlar arasında açıq birinciliyi (Bakı, təşkilatçı: Azərbaycan Respublikası Dövlət Gömrük Komitəsi İdman Sağlamlıq mərkəzi), 55 kq çəki dərəcəsində — 3-cü yer.
 | © 2019 – 2023 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |
 |